ព័ត៌មានជាតិ

ខេត្តប៉ៃលិនដាក់មហិច្ឆតា បញ្ចប់ផ្លូវដីទូទាំងខេត្តទាំងស្រុងក្នុងរយៈពេលពីរឆ្នាំទៀត

បានផុស

៣ years មុន

នៅ

ថ្ងៃព្រហស្បតិ៍ ២៣ កុម្ភៈ ២០២៣

ដោយ

តាមការអះអាងរបស់អភិបាលខេត្តប៉ៃលិននឹងបញ្ចប់ផ្លូវដីទាំងស្រុងទូទាំងខេត្តនៅរយៈពេលពីរបីឆ្នាំទៀត។

លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិនបានថ្លែងនៅក្នុងសន្និសីទនៅព្រឹកនេះថា ផ្លូវដីមានទូទាំងខេត្តប៉ៃលិនបច្ចុប្បន្នមានប្រហែល ១០ ភាគរយ ខណៈផ្លូវជាច្រើនខ្សែទូទាំងខេត្តបានប្រែក្លាយជាផ្លូវកៅស៊ូ និងបេតុងអស់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកស្រីអភិបាលខេត្ត ជាមហិច្ឆតាអាជ្ញាធរខេត្តនឹងបញ្ចប់ផ្លូវដីទាំងស្រុងទូទាំំងខេត្តក្នុងរយៈពេលប៉ុន្មានឆ្នាំទៀតនេះ។

ខេត្តប៉ៃលិន មានផ្លូវជាតិសំខាន់ៗចំនួន ០២ ខ្សែ គឺផ្លូវជាតិលេខ ៥៧ និងផ្លូវជាតិលេខ ៥៩ ។ ផ្លូវជាតិទាំងពីរខ្សែនេះជាឆ្អឹងខ្នងសម្រាប់បម្រើឱ្យផលប្រយោជន៍ប្រជាពលរដ្ឋក្នុងការធ្វើដំណើរ និងដឹកជញ្ជូនផលិតផលកសិកម្ម និងទំនិញគ្រប់ប្រភេទពីតំបន់ជនបទ មកកាន់ទីរួមខេត្ត និងទៅកាន់បណ្តាខេត្តនានាជាពិសេសជាមួយប្រទេសថៃ។

ក្រៅពីផ្លូវជាតិទាំងពីរនេះ ខេត្តមានផ្លូវក្រាល កៅស៊ូ ផ្លូវបេតុង ផ្លូវក្រាលក្រួសក្រហម និងផ្លូវលំដី ខ្វាត់ខ្វែងជាច្រើនខ្សែដែលតភ្ជាប់ពីទីក្រុងទៅជនបទ ពីជនបទទៅទីប្រជុំជន សម្រាប់សកម្មភាពសេដ្ឋកិច្ចសង្គមកិច្ច។ មិនតែប៉ុណ្ណោះ រដ្ឋបាលខេត្តកំពុងបន្ត អភិវឌ្ឍន៍ដោយធ្វើការជួសជុលថែទាំ និងការកែលម្អលើកកម្ពស់គុណភាពបណ្តាញផ្លូវថ្នល់កាន់តែប្រសើរឡើង ដោយប្រែក្លាយពីកន្លែងអត់ផ្លូវធ្វើឱ្យមានផ្លូវ ពីផ្លូវលំដី ផ្លូវក្រាលគ្រួសក្រហម មកជាផ្លូវក្រាលកៅស៊ូ ឬផ្លូវបេតុង៕