ព័ត៌មានជាតិ
តើការធ្វើជំរឿនកសិកម្ម មានន័យបែបណា?
ការធ្វើជំរឿននៅកម្ពុជាមាន៣ គឺការធ្វើជំរឿនកសិកម្ម ជំរឿនសេដ្ឋកិច្ច និងជំរឿនប្រជាជន។ ការធ្វើជំរឿនកសិកម្ម គឺធ្វើរៀងរាល់១០ឆ្នាំម្ដង ដែលបានចាប់ផ្តើមធ្វើកាលពីឆ្នាំ២០១៣កន្លងទៅ ហើយក៏មានការធ្វើអង្កេតកសិកម្មរាល់៥ឆ្នាំម្ដង និងអង្កេតប្រចាំឆ្នាំផងដែរ។ នៅឆ្នាំ២០២៣នេះ ការធ្វើជំរឿនកសិកម្ម គឺនឹងចាប់ផ្តើមពីថ្ងៃទី ១ដល់ថ្ងៃទី៣០ខែមេសា ខាងមុខ។ ការធ្វើជំរឿនកសិកម្ម គឺដឹកនាំដោយក្រសួងផែនការ មានការសហការជាមួយក្រសួងកសិកម្មពិនិត្យព័ត៌មានទិន្នន័យកសិកម្ម ក្រសួងសេដ្ឋកិច្ច និងហិរញ្ញវត្ថុពិនិត្យលើថវិកា ព្រមទាំងមានការគាំទ្របច្ចេកទេសធ្វើជំរឿននិងថវិកាដោយអង្គការ FAO ផងដែរ។
កាលពីថ្ងៃទី១០ ខែមីនា ឆ្នាំ២០២៣ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចូលរួមកិច្ចប្រជុំស្តីពី ការត្រៀមរៀបចំដំណើរការចុះធ្វើជំរឿនកសិកម្ម២០២៣។
បន្ទាប់ពីទទួលស្តាប់ ពិភាក្សា និងស្វែងយល់ពីវិធីសាស្ដ្រធ្វើជំរឿន ពិសេសការប្រមូលទិន្នន័យ តាមរយៈការធ្វើបទបង្ហាញពីគណៈប្រតិភូក្រសួងផែនការ ដឹកនាំដោយលោក វិន វិរៈ រដ្ឋលេខាធិការប្រចាំការ និងជាប្រធានគណៈកម្មការបច្ចេកទេសជំរឿនកសិកម្មរួច លោក ឌិត ទីណា បានផ្តល់នូវធាតុចូលបន្ថែមទៀត ដើម្បីធ្វើយ៉ាងណាឱ្យការធ្វើជំរឿននេះ ដំណើរការដោយរលូន និងទទួលបានទិន្នន័យជាក់លាក់តាមការកំណត់ ដើម្បីជាប្រយោជន៍សម្រាប់ការបង្កើតគោលនយោបាយ និងផែនការយុទ្ធសាស្ត្រនានា។
បើតាមលោករដ្ឋមន្ត្រី ក្រសួងកសិកម្ម នឹងសហការផ្តល់បញ្ជីអង្គភាពកសិកម្ម ដើម្បីសម្រួលដល់ការប្រមូលទិន្នន័យនៃជំរឿនកសិកម្មនេះ។ លើសពីនេះទៀត លោក បានលើកទឹកចិត្ត និងណែនាំក្រុមការងារជំរឿនកសិកម្មរបស់ក្រសួងកសិកម្មឱ្យយកចិត្តទុកដាក់ខ្ពស់ លើការងារនេះ ហើយត្រូវម្ចាស់ការ និងច្បាស់លាស់ ដោយមិនត្រូវគិតថា គ្រាន់តែជាការជួយ តែជាអ្នកប្រើប្រាស់ទិន្នន័យ និងធានាថា ទិន្នន័យត្រូវតែសុក្រិតត្រឹមត្រូវ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង