ព័ត៌មានជាតិ
ដាក់គោលដៅឲ្យសាលា ២៥ ខេត្តក្រុង យ៉ាងហោចបង្កើតសាលាគំរូសុខភាពឲ្យបានមួយ
ភ្នំពេញ៖ ក្រសួងអប់រំយុវជននិងកីឡា បានដាក់ចេញវិធានការឲ្យមន្ទីរអប់រំយុវជននិងកីឡាខេត្ត ត្រូវរៀបចំឲ្យមានសាលាគំរូសុខភាពសិក្សាគ្រប់ជ្រុងជ្រោយក្នុងមួយខេត្តឲ្យបានមួយសាលា ដើម្បីលើកកម្ពស់សុខភាពសិក្សាដល់សិស្សានុសិស្សនៅតាមសាលារៀន។
ថ្លែងប្រាប់អ្នកសារព័ត៍មានក្រោយចូលរួម ពិធីប្រកាសសាលាបឋមសិក្សាចតុមុខជាសាលាគំរូក្នុងការអនុវត្តសកម្មភាពសុខភាពសិក្សាគ្រប់ជ្រុងជ្រោយនៅព្រឹកថ្ងៃទី០៣កម្ភៈនេះ លោក បណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានមានប្រសាសន៍ថា ក្រសួងបានដាក់ចេញនូវវិធានការដោយតម្រូវឲ្យខេត្តនីមួយៗ ត្រូវរៀបចំឲ្យមានសាលាគំរូសុខភាពសិក្សាគ្រប់ជ្រុងជ្រោយឲ្យបានមួយ ទៅតាមលទ្ធភាពជាក់ស្តែង ដើម្បីឲ្យសាលាផ្សេងៗទៀតអាចយកទៅអនុវត្តបន្តប្រយោជន៍ ដើម្បីលើកកម្ពស់សុខភាពសិក្សាសិស្សានុសិស្សនៅតាមសាលារៀន។
លោករដ្ឋមន្ត្រីបានបន្តថា សាលាគំរូសុខភាពសិក្សាគ្រប់ក្រុងជ្រោយ ត្រូវមានគណៈកម្មាការសុខភាពសិក្សាមួយដែលមានការចូលរួមពីមាតាបិតាសិស្ស អាជ្ញាធរមូលដ្ឋាន មណ្ឌលសុខភាពនិងគណៈគ្រប់គ្រងសាលាដោយមានបន្ទប់សុខភាពមួយសម្រាប់ឲ្យ សិស្សពិនិត្យសុខភាពរួមមានវាស់កម្ពស់ ថ្លឹងទម្ងន់ ពិនិត្យសុខភាពសិស្ស មានសម្ភារសង្គ្រោះបឋមសម្រាប់ជួយសង្គ្រោះនៅពេលសិស្សមានបញ្ហាសុខភាពស្រាលជាដើម។
លោករដ្ឋមន្ត្រីបានបន្តទៀតថា ការពិនិត្យសុខភាពដល់សិស្សនេះមានសារសំខាន់ណាស់ ដែលអាចឲ្យលោកគ្រូអ្នកគ្រូបានដឹងពីសុខភាពរបស់សិស្សខ្លួន និងអាចព្យាបាលបានទាន់ពេលវេលា ព្រោះថាបើសិស្សមានជំងឺផ្សេងៗនោះធ្វើឲ្យប៉ះពាល់ដល់ខួរក្បាលកុមារនិងការសិក្សារបស់កុមារដូចជារៀនមិនសូវពូកែដូចកុមារដែលមិនមានជំងឺ។
លោករដ្ឋមន្ត្រីបានបញ្ជាក់ថា «ការប្រែក្លាយសាលារៀនទៅជាសាលាគំរូនេះក៏អាចវាស់ស្ទង់សមត្ថភាពរបស់នាយកសាលាក្លាយជានាយកសាលាគំរូ ព្រោះថាបើនាយកសាលាមានការគ្រប់គ្រងបានល្អដូចជាអនុវត្តតាមគោលការណ៍របស់ក្រសួងបានល្អ លទ្ធផលសិក្សារបស់សិស្សមានអត្រាខ្ពស់ និងសាលាមានបរិស្ថានល្អស្អាតនោះ»។
លោករដ្ឋមន្ត្រីបានណែនាំដល់មន្ទីរអប់រំយុវជននិងកីឡាខេត្តផ្សេងៗទៀត ត្រូវយកចិត្តទុកដាក់ពិនិត្យមើលគំរូដែលសាលាបឋមសិក្សាចតុមុខរៀបចំដើម្បីទៅបង្កើតនៅសាលាណាមួយនៅក្នុងខេត្តរបស់ខ្លួនទៅតាមលទ្ធភាពជាក់ស្តែង
អត្ថបទ៖ សំអឿន
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១៧ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៧ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត