ព័ត៌មានជាតិ

មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា

បានផុស

២ years មុន

នៅ

ថ្ងៃព្រហស្បតិ៍ ២ វិច្ឆិកា ២០២៣

ដោយ

យោងតាមមន្រ្តីអាកាសចរស៊ីវិលបានឲ្យដឹងថា បច្ចុប្បន្ននេះមានប្រទេសចំនួន ១០ ដែលមានជើងហោះហើរត្រង់មកប្រទេសកម្ពុជា។

លោក ស៊ីន ចាន់សិរីវុត្ថា អ្នកនាំពាក្យអាកាសចរស៊ីវិលកម្ពុជាបានគូសបញ្ជាក់ថា នៅប្រទេសអាស៊ានទាំង ១០ អត់តែប្រទេសប្រ៊ុយណេ និងមីយ៉ាន់ម៉ា ដែលមិនទាន់មានជើងហោះហើរត្រង់មកប្រទេសកម្ពុជា។ ប្រទេសទាំង ៨ នៅអាស៊ានដែលមានភ្ជាប់ជើងហោះហើរមកប្រទេសកម្ពុជាមាន ថៃ ម៉ាឡេស៊ី សិង្ហបុរី ឥណ្ឌូណេស៊ី ហ្វីលីពីន ឡាវ និងវៀតណាម។

លោក ស៊ីន ចាន់សិរីវុត្ថា បានបន្តទៀតថា នៅតំបន់មជ្ឈិមបូព៌ាមានប្រទេសកាតា ដែលទើបតែតភ្ជាប់ជើងហោះហើរឡើងវិញ។ ចំណែកនៅតំបន់អាស៊ីក៏មានប្រទេសមួយចំនួនមានជើងហោះហើរមកប្រទេសកម្ពុជាមាន ចិន និងកូរ៉េខាងត្បូង។

បើតាមលោក ស៊ីន ចាន់សិរីវុត្ថា បច្ចុប្បន្នមានក្រុមហ៊ុនអាកាសចរណ៍ចំនួន ៣២ ក្រុមហ៊ុន កំពុងប្រតិបត្តិការដឹកអ្នកដំណើរតាមផ្លូវអាកាសមកប្រទេសកម្ពុជា។

ដោយឡែកជុំវិញសំនួរមូលហេតុអ្វីដែលកម្ពុជាមិនទាន់មានជើងហោះហើរត្រង់មកពីប្រទេសនៅតំបន់អឺរ៉ុប បើតាមមន្រ្តីអាកាសចរស៊ីវិលរូបនេះបញ្ជាក់ថា មកពីកត្តាទីផ្សារ។ លោកថា តម្រូវការជារឿងសំខាន់ ដោយយន្តហោះមួយមិនអាចដឹកជញ្ជូនទទេដោយគ្មានអ្នកដំណើរនោះដែរ។

បើតាមលោក ស៊ីន ចាន់សិរីវុត្ថា កន្លងទៅមានក្រុមហ៊ុនអាកាសចរណ៍របស់បារាំង Air France ធ្លាប់សាកល្បងហោះហើរមកប្រទេសកម្ពុជា ប៉ុន្តែមិនទទួលបានជោគជ័យក៏បានបិទទៅវិញ៕

Related Topics:លោក ស៊ិន ចាន់សេរីវុត្ថា