Connect with us

ព័ត៌មានជាតិ

សម្ដេច សាយ ឈុំ៖ ព្រះពុទ្ធសាសនា ដើរតួនាទីដ៏សំខាន់ក្នុងការលើកកម្ពស់សីលធម៌ គុណធម៌ ចរិយាធម៌​

បានផុស

នៅ

ក្នុងពិធីបើកអនុសំវច្ឆរមហាសន្និបាតមន្ត្រីសង្ឃទូទាំងប្រទេស នៅព្រឹកថ្ងៃទី១៤ ខែធ្នូ ឆ្នាំ២០២៣នេះ សម្ដេចវិបុលសេនាភក្តី សាយ ឈុំ បានថ្លែងថា ព្រះពុទ្ធសាសនា បានដើរតួនាទីយ៉ាងសំខាន់ក្នុងការលើកកម្ពស់សីលធម៌ គុណធម៌ ចរិយាធម៌ ការកសាងមូលធនមនុស្សប្រកបដោយចំណេះដឹង និងជាពិសេសកសាងប្រទេសជាតិឱ្យបន្តស្ថិតលើមាគ៌ាសន្តិភាព និងការអភិវឌ្ឍ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចវិបុលសេនាភក្តី សាយ ឈុំ ប្រធានព្រឹទ្ធសភា បានថ្លែងថា គ្រប់សាសនាទាំងអស់នៅកម្ពុជាកំពុងតែប្រតិបត្តិការងាររបស់ខ្លួនដោយរលូននៅទូទាំងប្រទេស ដោយប្រកាន់ខ្ជាប់នូវការគោរព សហប្រតិបត្តិការ សាមគ្គីភាពយ៉ាងជិតស្និទ្ធ ស្មោះត្រង់ ដោយឈរលើគោលការណ៍គោរព អធ្យាស្រ័យ យោគយល់គ្នាទៅវិញទៅមកគ្រប់កាលៈទេសៈ ដើម្បីសម្រេចបានសាមគ្គីភាព សុខដុមរមនាសាសនា និងសង្គមជាតិ។

ចំពោះ ព្រះពុទ្ធសាសនា ដែលជាសាសនារបស់រដ្ឋ ត្រូវបានសម្ដេចវិបុលសេនាភក្តី កត់សម្គាល់ឃើញថា មានការរីក ចម្រើនទាំងបរិមាណ និងគុណភាព ជាពិសេសវិស័យពុទ្ធិកសិក្សា ជាវិស័យដ៏សំខាន់សម្រាប់ការបណ្ដុះបណ្ដាលធនធានព្រះសង្ឃ ក៏មានការរីកចម្រើនគួរឱ្យកត់សម្គាល់ ដោយបានបណ្ដុះបណ្ដាលព្រះសង្ឃតាំងពីថ្នាក់ធម្មវិន័យ ថ្នាក់ពុទ្ធិកបឋមសិក្សា រហូតដល់ថ្នាក់ឧត្ដមសិក្សា និងថ្នាក់ក្រោយឧត្ដមសិក្សា។

បើតាមការថ្លែងអះអាងរបស់សម្ដេចប្រធានព្រឹទ្ធសភា ព្រះពុទ្ធសាសនាពិតជាបានចូលរួមចំណែកដ៏សំខាន់ក្នុងការលើកកម្ពស់សីលធម៌ គុណធម៌ ចរិយាធម៌ ការកសាងបាននូវមូលធនមនុស្ស ដែលមានទាំងចំណេះដឹង និងគុណធម៌សម្រាប់ចូលរួមថែរក្សា ការពារ និងកសាងប្រទេសជាតិឱ្យបន្តស្ថិតលើមាគ៌ានៃសន្តិភាព និងការអភិវឌ្ឍប្រកបដោយចីរភាព។ តែយ៉ាងណាមិញ ទន្ទឹមនឹងការរីកចម្រើនទាំងនេះ សម្ដេច សាយ ឈុំ ក៏បានមើលឃើញនៅមានបញ្ហាមួយចំនួនដែលត្រូវរួមគ្នាដោះស្រាយ ដើម្បីចៀសវាងនូវបាតុភាពអសកម្មផ្សេងៗ ដែលជះឥទ្ធិពលមិនល្អដល់សង្គមជាតិ និងសាសនា ជាពិសេសព្រះពុទ្ធសាសនា ដែលជាសាសនារបស់រដ្ឋ។

តាមរយៈអនុសំវច្ឆរមហាសន្និបាតមន្រ្តីសង្ឃទូទាំងប្រទេស លើកទី៣១នេះ សម្ដេច សាយ ឈុំ បានចាត់ទុកជាការផ្តល់ឱកាសមួយសម្រាប់ការពិគ្រោះពិភាក្សាលើបញ្ហាមួយចំនួននាពេលបច្ចុប្បន្ន។ ក្នុងនាមជាពុទ្ធសាសនិកជន១រូប សម្ដេច សាយ ឈុំ បានផ្ដល់ទស្សនទានប្រគេនថ្វាយចំពោះសម្ដេចព្រះសង្ឃ ព្រះមន្ត្រីសង្ឃគ្រប់ព្រះអង្គ ដែលជាពុទ្ធសាសនិកឆ្នើមក្នុងការបន្តបុព្វហេតុទ្រទ្រង់ និងលើកកម្ពស់ព្រះពុទ្ធសាសនា សីលធម៌សង្គមជាតិ ក៏ដូចជាថែរក្សាវប្បធម៌ ប្រពៃណី ទំនៀមទម្លាប់របស់ជាតិ ហើយបន្តពង្រឹងការប្រតិបត្តិតាមឱវាទរបស់ព្រះសម្មាសម្ពុទ្ធឱ្យបានកាន់តែប្រសើរ និងខ្ជាប់ខ្ជួន ដើម្បីបានជាទីជ្រះថ្លានៃពុទ្ធបរិស័ទ គំរូដ៏ល្អនៃការប្រតិបត្តិធម៌វិន័យ ការគោរពច្បាប់រដ្ឋ និងការលើកម្ពស់សីលធម៌សង្គម។

សម្ដេចប្រធានព្រឹទ្ធសភា ក៏បានជំរុញដល់អង្គអនុសំវច្ឆរមហាសនិ្នបាតមន្រ្ដីសង្ឃទូទាំងប្រទេសនេះ គប្បីពិភាក្សាឱ្យបានសកម្មជាមួយនឹងស្មារតីពោរពេញដោយមេត្តា ករុណា និងបញ្ញា ប្រើអស់បញ្ញាញាណ គតិបណ្ឌិត ទស្សនៈ ប្រកបដោយហេតុ និងផល បទពិសោធន៍ជាក់ស្ដែង និងតថភាពសង្គម ធ្វើជាមូលដ្ឋានសម្រាប់ចូលរួមមតិយោបល់លើការកំណត់គោលការណ៍ ដើម្បីដោះស្រាយបញ្ហាសម្រាប់ការអភិរក្ស និងអភិវឌ្ឍព្រះពុទ្ធសាសនានៅកម្ពុជា ក៏ដូចជាសម្រាប់គោល ការណ៍ដែលបានដាក់ចេញហើយត្រូវមានយន្តការដឹកនាំសម្របសម្រួល និងត្រួតពិនិត្យលើការអនុវត្ត ដើម្បីធានាថា គោលការណ៍ទាំងឡាយត្រូវបានអនុវត្តប្រកបដោយប្រសិទ្ធភាព។

សម្ដេចវិបុលសេនាភក្តី ជឿជាក់ថា អង្គមហាសន្និបាតទាំងមូល នឹងចូលរួមពិភាក្សាប្រកបដោយបញ្ញាស្មារតី និងបទពិសោធន៍ ដើម្បីរកឱ្យឃើញនូវចំណុចខ្លាំង ចំណុចខ្សោយ បញ្ហាប្រឈម និងកាលានុវត្តភាពសម្រាប់ការអនុវត្តសង្ឃប្រកាសនាពេលកន្លងមក ក៏ដូចជាដើម្បីកំណត់ចក្ខុវិស័យ គោលដៅ យុទ្ធសាស្រ្ត វិធីសាស្រ្ត ផែនការសកម្មភាព និងយន្តការដឹកនាំសម្របសម្រួល សំដៅពង្រឹងពង្រីករចនាសម្ព័ន្ធគ្រប់គ្រង ដឹកនាំព្រះសង្ឃ ការគ្រប់គ្រងវត្តអារាម ការងារពុទ្ធិកសិក្សា ការងារផ្សព្វផ្សាយព្រះធម៌ព្រះវិន័យ ក៏ដូចជាការចូលរួមចំណែកអនុវត្តកម្មវិធីនយោបាយនៃយុទ្ធសាស្រ្តបញ្ចកោណ-ដំណាក់កាលទី១ របស់រាជរដ្ឋាភិបាល ផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១ ម៉ោង មុន

Britney Spears​ ត្រូវសណ្ឋាគារដ៏ល្បីមួយហាមឃាត់នាង បន្ទាប់ពីហែលទឹកអាក្រាតកាយក្នុងអាង

ព័ត៌មានជាតិ១ ម៉ោង មុន

កម្ពុជា-ឥណ្ឌូណេស៊ី បើកទំព័រកិច្ចសហប្រតិបត្តិការ ផ្ដោតលើពាណិជ្ជកម្មកាបូននិងថាមពលបៃតង

ព័ត៌មានជាតិ២ ម៉ោង មុន

តើសម្ដេច នរោត្តម ច័ក្រពង្ស់ ដែលទើបដំឡើងព្រះឋានៈជាសម្ដេចក្រុមព្រះ មានព្រះជីវប្រវត្តិយ៉ាងណា?

ព័ត៌មានជាតិ២ ម៉ោង មុន

មក​ដឹង​យុទ្ធសាស្រ្ត​ការងារ​អាទិភាព​ក្រសួង​ចំនួន ៣ នៅ​រដ្ឋាភិបាល​អាណត្តិ​ថ្មី​នេះ

សន្តិសុខសង្គម២ ម៉ោង មុន

ខណ្ឌច្បារអំពៅ ដាក់កម្លាំងត្រួតពិនិត្យអ្នកបើកបរមានជាតិស្រវឹង ជាលទ្ធផលពុំមានបទល្មើស

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម