Connect with us

ព័ត៌មានជាតិ

ខេត្តកំពង់ស្ពឺមាន​រោងចក្រ​កែច្នៃ​ស្វាយ ៣ កន្លែង ខណៈហាង​ឆេង​ស្វាយកែវរមៀតត្រូវ​ប៉ាន់ទីផ្សារ

បានផុស

នៅ

លោក ជូ សារឹម ប្រធាន​ការិយាល័យ​អភិវឌ្ឍន៍​សហគមន៍​ខេត្ត​កំពង់​ស្ពឺ​បាន​ឲ្យ​ដឹង​ថា ស្វាយ​កែវ​រមៀត​ឆ្នាំនេះទទួលបាន​ទិន្នផល​​​​ខ្ពស់ ស្រប​​តាម​​តម្រូវ​ការ​ស្តង់ដារ​ទីផ្សារ​នាំចេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​​មក​កាន់ ​«កម្ពុជា​ថ្មី​» លោក ជូ សារឹម បាន​គូស​បញ្ជាក់​ថា ដោយសារប្រជាពលរដ្ឋ​នៅ​ក្នុង​សហគមន៍​បាន​យក​ចិត្ត​ទុកដាក់នៅ​​ក្នុង​ការ​ថែទាំ និង​អនុវត្ត​តាម​បច្ចេកទេស​ស្តង់​ដារ​នៃ​ការ​ដាំដុះ បាន​ធ្វើ​ឲ្យ​ស្វាយ​ទទួល​បាន​​ទិន្នផល​​ខ្ពស់ និង​ស្រប​​តាម​​តម្រូវ​ការ​ស្តង់ដារ​ទីផ្សារ​នាំចេញ។

«បើ​និយាយ​ដល់​ស្តង់​ដារ​ទីផ្សារ​នាំចេញ ស្វាយ​ត្រូវ​មាន​មាន​ទំហំ​ធំឬ​អាច​និយាយ​បាន​ថា ៣ ទៅ ៤ ផ្លែ​មាន​ទម្ងន់ ១​គីឡូ​ក្រាម»។ នេះបើ​តាម​លោក ជូ សារឹម។

លោក​បន្ត​ថា «ប្រជា​សហគមន៍​ ហាក់មាន​ការ​យល់​ដឹង​ច្រើន​ពី​បច្ចេកទេស​នៃ​ការ​ដាំដុះ និង​បាន​អនុវត្ត​តាម​ការ​ណែនាំ​របស់​មន្ត្រី​ជំនាញ​។ ក្នុង​មួយ​ដើម​ៗ យើង​ណែនាំ​ឲ្យ​ពួក​គាត់​​ដាំ​​ចន្លោះ​ពី ៦ ទៅ​ ៧ ម៉ែត្រ ក្នុង​មួយអន្លុង​ដើម ព្រមទាំង​ការ​ប្រើប្រាស់​ជី​ធម្មជាតិ សំដៅ​ធ្វើ​​យ៉ាង​ណាឲ្យ​ស្រប​តាម​ស្តង់ដារ​ទី​ផ្សារ​»។

ប្រជាកសិករ​​នៅ​ក្នុង​សហគមន៍នៅក្នុង​ខេត្តកំពង់ស្ពឺ ភាគ​ច្រើនដាំ​ដុះ​ទៅ​លើ​ពូជ​ស្វាយ​ ២ ប្រភេទ​ គឺ​ពូជ​ស្វាយ​កែវ​រមៀត​ពណ៌​ខៀវ​រាង​កន្តុល ​និង​ពណ៌​​លឿង​រាង​ទ្រវែង និង​មួយ​ប្រភេទ​ទៀត​​ជា​ស្វាយ​កែវ​រមៀត​​​ប្រភេទច្រក​ថង់​ ដែល​ពូជ​នេះ​​នាំ​ចេញ​មាន​​តម្លៃ​ថ្លៃ​។

ចំពោះ​តម្លៃ​ស្វាយ​កែវ​រមៀត​ពណ៌​ខៀវ​ធម្មតា (មិន​ច្រក​ថង់) លក់​បាន​ក្នុង​តម្លៃ​​ចន្លោះ​ពី ១២០០៛ ទៅ ១២៥០៛ ក្នុង​មួយ​គីឡូក្រាម និង​ប្រភេទ​ពូជ​​ស្វាយ​កែវ​រមៀត​ច្រក​ថង់ លក់​បាន​ក្នុង​តម្លៃ​​ចន្លោះ​ពី ២៥០០៛ ទៅ ២៨០០៛ ក្នុង​​មួយ​​គីឡូក្រាម

ទិន្នផល​ស្វាយ​ទាំង​នោះភាគច្រើន​នាំចេញ​ទៅកាន់​ទីផ្សារ​ក្រៅ​ប្រទេស​ដូចជា ប្រទេស​កូរ៉េ សហគមន៍​អ៊ឺរ៉ុប ប្រទេស​វៀតណាម ថៃ ខ្លះ​ទៀ​តនាំចូល​ទៅក្នុង​រោងចក្រ​កែច្នៃ​ក្នុងស្រុក ដើម្បី​សម្អាត វិចខ្ចប់ និង​កែច្នៃ សម្រាប់​ផ្គត់ផ្គង់ទីផ្សារ​បន្ថែម​​ទៀត​ផងដែរ។

លោក​ ជូ សារឹម បាន​ឲ្យ​ដឹង​ថា បច្ចុប្បន្ន​ខេត្ត​កំពង់​ស្ពឺ​មាន​ផ្ទៃ​ដី​ដាំ​ដុះ​ស្វាយ​កែវ​រមៀត​សរុប​ប្រមាណ​ជា ៦ ​ម៉ឺន​ហិតា​ទូទាំង​ខេត្ត។ ក្នុង​នោះ​ខេត្ត​ក៏​មាន​រោង​ចក្រ​​កែច្នៃ​ ៣ ​កន្លែង​សុទ្ធសឹង​ជា​ក្រុមហ៊ុន​វិនិយោគ​ធំៗ​វិនិយោគ​មកពី​ប្រទេសចិន ដែល​ភាគច្រើ​ន​មាន​ទីតាំង​​ស្ថិត​នៅ​ឃុំ​ត្រែងត្រយឹង ស្រុក​ភ្នំស្រួច ខេត្ត​កំពង់ស្ពឺ។

បើ​ទោះ​បី​ជា​ខេត្ត​កំពង់​ស្ពឺ​ ជា​ខេត្ត​មួយ​ដែល​មាន​ការ​ដាំ​ដុះ​ស្វាយ​កែវ​រមៀត​ច្រើន​ជាង​ខេត្ត​ផ្សេង​ៗ​ក៏​ពិត​មែន​ ប៉ុន្តែ​បើ​តាម​លោក ជូ សារឹម​ ក៏​នៅ​មិន​ទាន់​អាច​ហៅ​ខេត្ត​នេះ​ជាអាណាចក្រ​នៃ​ការ​នាំ​ចេញ​ស្វាយ​ដែរ។

ដំណាំ​ស្វាយ ជា​ធនធាន​មួយ​ដែល​មាន​អាទិភាព​ជាង​គេ​មួយ​ក្នុង​ខេត្តកំពង់ស្ពឺ។ ​ក្រៅ​ពី​​ស្វាយខេត្ត​ដែលដែលជា​ប្រភព​នៃ​ដើម​ត្នោត​នេះ​​នៅ​មាន​ដំណាំ​ស្រូវ បន្លែ និង​ការ​ដាំដុះ​ដូង​ជា​ដើម។

លោក ជូ សារឹម បាន​បន្ត​ថា តាមរយៈ​ដំណាំ​កសិកម្ម​ទាំងអស់​នេះបាន​ជួយ​លើក​ស្ទួយ​ដល់​ជីវភាព​រស់​នៅ​របស់​ប្រជាពលរដ្ឋ​ក្នុង​សហគមន៍ ខណៈមន្រ្តី​ជំនាញក៏​បានខិតខំស្វះស្វែង​​ទីផ្សារនិង​អាច​​នាំ​ចេញទៅលក់នៅ​ក្រៅប្រទេស​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៧ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៨ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៩ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១០ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម