Connect with us

ព័ត៌មានជាតិ

មន្ត្រីពេទ្យសត្វខេត្តកំពង់ចាម បន្តចុះបាញ់ថ្នាំសម្លាប់មេរោគ កន្លែងធ្លាប់ផ្ទុះជំងឺផ្តាសាយបក្សី

បានផុស

នៅ

មន្រ្តីជំនាញនៃការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម បានបន្តយុទ្ធនាការផ្សព្វផ្សាយជំងឺផ្តាសាយបក្សី និងវិធានការការពារ ដោយបាញ់ថ្នាំសម្លាប់មេរោគនៅតំបន់ដែលធ្លាប់រងការផ្ទុះជំងឺផ្តាសាយបក្សី ដើម្បីបង្ការទប់ស្កាត់ការឆ្លងរីករាលដាលជំងឺមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង នៅព្រឹកថ្ងៃទី១៣ ខែកុម្ភៈ ឆ្នាំ២០២៤ នេះ លោក នង ម៉េងហ៊ាង ប្រធានការិយាល័យផលិតកម្ម និងបសុព្យាបាលខេត្តកំពង់ចាម បានចាត់មន្ត្រីជំនាញសហការជាមួយ អាជ្ញាធរមូលដ្ឋាន បានចុះធ្វើជីវសុវត្ថិភាពនៅតំបន់ដែលមានហានិភ័យលើជំងឺផ្ដាសាយបក្សី និងបានណែនាំដល់កសិករ ស្តីពីជំងឺផ្ដាសាយបក្សី និងវិធានការណ៍ការពារ ក្នុងភូមិក្បាលអូរ ឃុំមេសរជ្រៃ ស្រុកស្ទឹងត្រង់។ បច្ចុប្បន្ន មន្ត្រីជំនាញកំពុងតាមដាន និងរង់ចាំទទួលព័ត៌មានពីប្អូនលព័ត៌តាមដានជំងឺប្រជាពលរដ្ឋជានិច្ច ប្រសិនមានករណីណាសង្ស័យមន្ត្រីពេទ្យសត្វខេត្ត និងធ្វើការចុះទប់ស្កាត់ភ្លាម ដោយបាញ់ថ្នាំសម្លាប់មេរោគនៅនឹងកន្លែង។

ក្នុងការចុះបាញ់ថ្នាំសម្លាប់មេរោគបង្ការជំងឺឆ្លងផ្តាសាយបក្សីនៅតំបន់នេះ មន្ត្រីជំនាញពេទ្យសត្វ ក៍បានផ្សព្វផ្សាយ និងអំពាវនាវឱ្យប្រជាពលរដ្ឋ ដែលចិញ្ចឹមសត្វ រួមទាំងកន្លែងសត្វត្តឃាតទាំងអស់ ត្រូវចេះតាមដានសុខភាពសត្វចិញ្ចឹម និងសម្អាតបរិស្ថានជុំវិញ។ ប៉ុន្តែ ប្រសិនបើមានការសង្ស័យ ឬសត្វបក្សីងាប់ត្រូវសហការ និងរាយការណ៍ទៅមន្ត្រីពេទ្យភូមិភ្លាមៗ ដើម្បីរួមគ្នាចាត់វិធានការការពារទប់ស្កាត់ជំងឺមួយនេះកុំឱ្យឆ្លងរីករាលដាលទៀត។

គួរជម្រាបថា កន្លងមកក្នុងភូមិសាស្ត្រខេត្តកំពង់ចាម មានតំបន់មួយចំនួនធ្លាប់ផ្ទុះជំងឺផ្តាសាយបក្សី រួមមាន ក្នុងឃុំតាំងក្រាំង ស្រុកបាធាយ ឃុំមេសជ្រៃ ស្រុកស្ទឹងត្រង់ និងក្នុងឃុំគរ ស្រុកព្រៃឈរជាដើម៕

អត្ថបទ និង រូបភាព ៖ ឡេក ចាន់ពេជ្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៧ វិនាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៤ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២៩ នាទី មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ៤២ នាទី មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ១ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម