Connect with us

ព័ត៌មានជាតិ

ទីតាំងល្បែងផ្សងសំណាង៥កន្លែង នៅក្រុងខេមរភូមិន្ទ បានធ្វើកិច្ចសន្យាបិទអាជីវកម្ម

បានផុស

នៅ

តបតាមបញ្ជារបស់លោកស្រី មិថុនា ភូថង អាជ្ញាធរសមត្ថកិច្ចជំនាញរបស់ខេត្ត និងក្រុងខេមរភូមិន្ទ បានប្រតិបត្តិការត្រួតពិនិត្យ និងធ្វើកិច្ចសន្យា​បញ្ឈប់សកម្មចំពោះម្ចាស់ទីតាំងដែលនិយមលេងល្បែងផ្សងសំណាងចំនួន៥កន្លែងនៅក្នុងក្រុងខេមរភូមិន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហាក់ ឡេង អភិបាលរងខេត្តកោះកុង បានឱ្យដឹងនៅថ្ងៃទី១៥ ខែកុម្ភៈ ឆ្នាំ២០២៤នេះថា ដោយមានបទបញ្ជារបស់រាជរដ្ឋាភិបាល និងលោកស្រី មិថុនា ភូថង អភិបាលខេត្តកោះកុង លោកបានដឹកនាំកម្លាំងជំនាញពាក់ព័ន្ធបិទទីតាំងល្បែងស៊ីសងផ្សងសំណាង ឬជល់មាន់តាមអនឡាញចំនួន៥កន្លែង ដោយមិនអនុញ្ញាតធ្វើសកម្មភាពទៀតឡើយ។

លោកអភិបាលរងខេត្ត បានព្រមានទៀតថា ករណីអាជ្ញាធរសមត្ថកិច្ចរកឃើញថា ម្ចាស់ទីតាំងល្បែងខាងលើមិនគោរពតាមកិច្ចសន្យា​នឹងទទួលខុសត្រូវ​ចំពោះមុខច្បាប់ជាមិនខាន ដោយនេះជាបទបញ្ជាណែនាំ។ លោកនឹងបន្តដឹកនាំកម្លាំងតាមបណ្តាស្រុកផ្សេងៗពិនិត្យទីតាំងបនល្បែងគ្រប់ប្រភេទទាំងអស់។

យោងតាមការផ្តល់ព័ត៌មានផ្ទាល់មាត់ពីលោកអភិបាលរងខេត្ត បានបញ្ជាក់ថា នៅក្នុងខេត្តកោះកុងមានទីតាំងលេងល្បែងផ្សងសំណាងប្រមាណជាង៣០ទីតាំង ដូច្នេះលោកនឹងបន្តតាមដានពិនិត្យបង្ក្រាបឱ្យបានទាន់ពេលវេលា ស្របតាមបទបញ្ជារបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដោយពាក្យស្លោកចាស់ពោលថា ល្បែងតែងវិនាស។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីរសៀលថ្ងៃទី១៤ ខែកុម្ភៈ ឆ្នាំ២០២៤ បានបញ្ជាដល់លោក លោកស្រីអភិបាលនៃគណៈអភិបាលរាជធានី-ខេត្ត ឲ្យចាត់វិធានការជាបន្ទាន់នូវការត្រួតពិនិត្យល្បែងផ្សងសំណាងនៅតាមមូលដ្ឋាន ក្នុងដែនសមត្ថកិច្ចរបស់ខ្លួន ក្នុងករណីដែលមានបន្តបើកថ្មីថែមទៀត ត្រូចាត់វិធានការបិទជាបន្ទាន់៕

  អត្តបទៈ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៥ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៦ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម