ព័ត៌មានជាតិ

ភ្លៀងមួយមេលាយឡំខ្យលកន្ត្រាក់បក់បោកផ្ទះពលរដ្ឋ៤០ខ្នង

បានផុស

៥ years មុន

នៅ

ថ្ងៃពុធ ៣ មីនា ២០២១

ដោយ

ផ្ទះប្រជាពលរដ្ឋចំនួន៤០ខ្នង ក្នុង៣ឃុំ បានរងការខូចខាតដោយសារឥទ្ធិពលភ្លៀងលាយឡំខ្យល់កន្ត្រាក់បណ្ដាលឲ្យប៉ើងដំបូល និងហោះចេញពីជើងតាង តែមិនបង្កឲ្យមានអ្នករងរបយសនោះទេ។ករណីនេះបានកើតឡើងកាលពីរសៀលថ្ងៃទី០២ ខែមិនា ឆ្នាំ២០២១វេលាម៉ោង១៥និង២០នាទី នៅឃុំចំនួន៣គឺឃុំស្តុកប្រវឹក ឃុំព្រៃត្រឡាច ឃុំមុខរាហ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ឃុំទាំង៣ដែលរងឥទ្ធិពលពីខ្យល់កន្ត្រាក់រួមមាន÷១/ឃុំស្តុកប្រវឹករងការខូចខាតរបើកដំបូលផ្ទះចំនួន២២ខ្នងផ្ទះ។ ២/ឃុំព្រៃត្រឡាចរងការខូចខាតរបើកដំបូលផ្ទះចំនួន១៣ខ្នងផ្ទះ។ ៣/ឃុំមុខរាហ៍ រងការខូចខាតរបើកដំបូលផ្ទះចំនួន០៥ខ្នងផ្ទះនិងរោងម៉ាស៊ីនកិនស្រូវ០១ត្រូវបានហោះធ្លាក់ចេញពីជើងតាង។

សមត្ថកិច្ចបញ្ជាក់ដែរថា ក្នុងហេតុការខាងលើនេះមិនបានបង្កឲ្យមានមនុស្សណាម្នាក់រងគ្រោះថ្នាក់នោះទេហើយបច្ចុប្បន្នសមត្ថកិច្ចនិងអាជ្ញាធរមូលដ្ឋានកំពុងតែជួយធ្វើការជួសជុលជាបណ្តើរៗនឹងធ្វើរបាយការណ៍ជូនថ្នាក់ស្រុកនិងថ្នាក់ខេត្តដើម្បីពិនិត្យនិងជួយដោះស្រាយដល់ពលរដ្ឋនៅពេលក្រោយតាមតែអាចធ្វើទៅបាន៕

អត្ថបទ ៖ សៅ សារិទ្ធ