ព័ត៌មានជាតិ

ធុងសំរាមប្រមាណ ៤ ពាន់ធុង ដាក់ពង្រាយតាមគោលដៅសំខាន់ៗ ក្នុងពិធីបុណ្យអុំទូកខាងមុខនេះ

បានផុស

២ years មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

រដ្ឋបាលរាជធានីភ្នំពេញ និងក្រុមហ៊ុនប្រមូលសំរាម មីហ្សុដា បានបន្ថែមធុងសំរាមថ្មីចំនួន ១ ០០០ ធុង ខណៈធុងសំរាមដែលមានស្រាប់ប្រមាណ ៣ ០០០ ធុង ត្រូវបានដាក់ពង្រាយនៅតាមគោលដៅសំខាន់នានា ក្នុងពិធីបុណ្យអុំទូក ដែលនឹងប្រព្រឹត្តទៅ ចាប់ពីថ្ងៃទី ១៤-១៦ ខែវិច្ឆិកា ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅរសៀលនេះ ខណ្ឌនីមួយៗ ដែលត្រៀមរៀបចំពិធីបុណ្យអុំទូក បានឲ្យកម្លាំងគណៈបញ្ជាការឯកភាព បាញ់ទឹកលាងសម្អាត មាត់ទន្លេ ច្រាំងទន្លេ សម្អាតព្រៃត្រែង តាមមាត់ទន្លេ និងរើសសំរាមតាមច្រាំងទន្លេ។

ទន្ទឹមនេះ ក្រុមហ៊ុនប្រមូលសំរាម មីហ្សុដា ក៏បានត្រៀមរថយន្តដឹកសំរាមចំនួន ២០ គ្រឿង និងកម្មករប្រមូលសំរាមជាង ២០០ នាក់ ដាក់ពង្រាយក្នុងខណ្ឌដូនពេញ ដែលជាខណ្ឌប្រារព្ធពិធីបុណ្យអុំទូក និងជាគោលដៅប្រជាពលរដ្ឋសម្រុកទៅលេងកម្សាន្តផងដែរ។

សូមបញ្ជាក់ថា ព្រឹត្តិការណ៍នេះ នឹងមានទូក ង ចូលរួមប្រកួតប្រជែងចំនួន ៣៤៦ ទូក លើសពីឆ្នាំកន្លងទៅ ៩ ទូក ព្រមទាំងមានកីឡាករចំណុះទូកជាង ២ ម៉ឺននាក់ និងប្រទីបចំនួន ៣៥ ប្រទីប ខណៈឆ្នាំ ២០២៣ មានចំនួនត្រឹមតែ ២៩ ប្រទីបប៉ុណ្ណោះ៕

អត្ថបទ ៖ ម៉េង