ព័ត៌មានជាតិ

រដ្ឋបាលខណ្ឌឫស្សីកែវ ដាក់គ្រឿងចក្រស្តារប្រឡាយទឹក ក្នុងមូលដ្ឋានសង្កាត់ស្វាយប៉ាក

បានផុស

១១ ខែ មុន

នៅ

ថ្ងៃព្រហស្បតិ៍ ១២ មិថុនា ២០២៥

ដោយ

កាលពីរសៀលថ្ងៃទី ១១ ខែមិថុនា ឆ្នាំ ២០២៥ លោក ជិន ប៊ុនធឿន អភិបាលខណ្ឌឫស្សីកែវ បានអញ្ជើញចុះពិនិត្យការដំណើរការដាក់គ្រឿងចក្រស្តារប្រឡាយ និងបន្តចុះត្រួតពិនិត្យការដ្ឋាន ប្រព័ន្ធរំដោះទឹក នៅក្នុងមូលដ្ឋានសង្កាត់ស្វាយប៉ាក ខណ្ឌឫស្សីកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះត្រួតពិនិត្យ និងត្រួតពិនិត្យការដ្ឋាន ប្រព័ន្ធរំដោះទឹក គឺដើម្បីជំរុញការអភិវឌ្ឍក្នុងការស្តារប្រព័ន្ធបណ្ដាញទឹក ដែលជាផ្នែកសំខាន់មួយក្នុងការការពារបរិស្ថាន និង សម្រាប់ប្រជាពលរដ្ឋក្នុងតំបន់។

នាឱកាសនោះ លោកអភិបាលខណ្ឌ បានលើកឡើងថា ការស្តារប្រឡាយនេះពិតជាមានសារៈសំខាន់ណាស់ ព្រោះប្រឡាយខាងលើបានដើរតួនាទីយ៉ាងសំខាន់ក្នុងការរំដោះទឹកពីភូមិឋានប្រជាពលរដ្ឋ ជាពិសេសសង្កាត់ស្វាយប៉ាក ដែលមានស្ថានីយបូមទឹកគីឡូម៉ែត្រលេខ ៩ គឺជាចំណុចចុងក្រោយដែលទឹកហូរចូលទៅទន្លេសាប។

លោកអភិបាលខណ្ឌ បានបញ្ជាឱ្យការជីកត្រូវមានជម្រៅជ្រៅ ធំទូលាយ ដើម្បីបង្កលក្ខណៈងាយស្រួលដល់ចរន្តទឹកហូរបានលឿន និងឆាប់ស្រកនៅមានភ្លៀងធ្លាក់ផងដែរ។

លោកអភិបាលខណ្ឌ ក៏បានណែនាំឱ្យមន្ត្រីជំនាញ និងក្រុមការងារ បន្តកែលម្អ និងអនុវត្តគម្រោង ដើម្បីឱ្យមានប្រសិទ្ធភាព និងភាពច្បាស់លាស់ នៃលទ្ធផល ក្នុងការផ្តល់សេវាសាធារណៈដល់ប្រជាពលរដ្ឋ៕

អត្ថបទ ៖ សំណាង