ព័ត៌មានជាតិ

ភ្លៀងលាយឡំជាមួយខ្យល់កន្ត្រាក់ បំផ្លាញផ្ទះពលរដ្ឋ៤ខ្នងនៅស្រុកភ្នំព្រឹក

បានផុស

៥ years មុន

នៅ

ថ្ងៃសុក្រ ២ មេសា ២០២១

ដោយ

ផ្ទះប្រជាពលរដ្ឋចំនួន៤ខ្នង ត្រូវបានរបើកដំបូល និងជញ្ជាំង និងខ្លះទៀតរលំដួលទាំងស្រុង បន្ទាប់ពីមានខ្យល់កន្ត្រាក់បោកបក់ កាលពីថ្ងៃទី០១ ខែមេសា ឆ្នាំ២០២១នេះ។

សមត្ថកិច្ចមូលដ្ឋានបានឲ្យដឹងថា នៅវេលាម៉ោត៥ល្ងាចថ្ងៃទី០១ ខែមេសា មានខ្យល់កន្ត្រាក់លាយឡំ នឹងទឹកភ្លៀង បានបោកបក់បំផ្លាញផ្ទះប្រជាពលរដ្ឋចំនួន៤ខ្នងរបើកដំបូល និងដួលរលំ នៅភូមិដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង តែសំណាល្អពុំបណ្តាលឲ្យមនុស្សរងគ្រោះថ្នាក់នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លំនៅដ្ឋានដែលត្រូវខ្យល់បក់បណ្ដាលឲ្យខូចខាតនោះមានម្ចាស់ឈ្មោះ ទី១ .ឈ្មោះ ព្រំ ហ៊ីម ប៉ះពាល់ផ្ទះទំហ៊ំផ្ទះ៤×៥ធ្វើអំពីឈើ ប្រកស័ង្កសី ទី២ .ឈ្មោះ ផង់ ខ្នា មានទំហ៊ំផ្ទះ៥×៦ធ្វើអំពីឈើប្រក់ស័ង្កសី ទី៣ .ឈ្មោះ យេត ប៊ុនយ៉េន ទំហ៊ំផ្ទះ៥×១០ធ្វើអំពីឈើប្រកស័ង្កសី ដោយផ្ទះខាងលើនេះរបើករបាញយ៉ាងដំណំ និងទី៤ .ឈ្មោះ ពេជ្រ ឃាក់ ទំហ៊ំផ្ទះ៥×៦ធ្វើអំពីឈើប្រក់ស័ង្កសីដួលរលំទាំងស្រុងតែម្តង៕

អត្ថបទ ៖ សោ និយមរដ្ឋ