ចំណតផែពហុបំណង TS៣ ជាទីស្នាក់ការកណ្តាលប្រវត្តិសាស្ត្ររបស់កំពង់ផែស្វយ័តភ្នំពេញ

ចំណតផែពហុបំណង TS៣ ជាទីស្នាក់ការកណ្តាលប្រវត្តិសាស្ត្ររបស់កំពង់ផែស្វយ័តភ្នំពេញ ដែល​បានដើរតួនាទីយ៉ាងសំខាន់ក្នុងប្រវត្តិសាស្ត្រដែនទន្លេរបស់ប្រទេសកម្ពុជា ដែលបម្រើជាមជ្ឈមណ្ឌលសម្រាប់ដឹកទំនិញកុងតឺន័រនាពេលកន្លងមក។

មានទីតាំងយុទ្ធសាស្រ្តតាមបណ្តោយទន្លេសាប លើតិរវិថីព្រះស៊ីសុវត្ថិ សង្កាត់ស្រះចក ខណ្ឌដូនពេញ ចំណតផែពហុបំណង TS3 បច្ចុប្បន្នបានប្រែក្លាយជាចំណតផែបម្រើដល់វិស័យទេសចរណ៍ប្រកបដោយសក្តានុពលខ្ពស់​។

ជាមួយនឹងការអភិវឌ្ឍជា​បន្តបន្ទាប់ ចំណតផែពហុបំណង TS៣ បានផ្លាស់ប្តូរជាចំណតផែពហុបំណង ដែលអាចប្រើប្រាស់​ជាច្រើនរូបភាព និង​ជាចំណតទេសចរណ៍ដ៏សំខាន់ ដែលបម្រើដល់វិស័យទេសចរណ៍ដែលកំពុងរីកចម្រើន។

លក្ខណៈពិសេសរបស់​ចំណតផែពហុបំណង TS៣៖

ប្រភេទ៖ ជាចំណតផែទេសចរណ៍ចម្បង
ជម្រៅទឹក៖ ៤,៥ ម៉ែត្រនៅរដូវប្រាំង
ចម្ងាយ៖ ២៤៥ គីឡូមែត្រ ឬ ១២-១៥ ម៉ោង (រវាង TS៣ ទៅចំណតផែនៅប្រទេសវៀតណាម)
ហេដ្ឋារចនាសម្ព័ន្ធ និងគ្រឿងបរិក្ខារ៖
ផ្ទៃដី៖ ៨,៦ ហិកតា
ចំណត៖ ៥ គ្រឿង
ស្ថានីយអ្នកដំណើរ និងទេសចរណ៍៖ ១ ស្ថានីយ
ស្ពានផែ៖ ២០ម x ៣០០ ម
ប៉ុងតុង៖ ៣ គ្រឿង