ព័ត៌មានជាតិ

សាលារៀន ៦០០ កន្លែង នៅខេត្ត ៥ បានបិទទ្វារក្នុងជម្លោះប្រដាប់អាវុធបង្កឡើងដោយភាគីថៃ

បានផុស

១២ ខែ មុន

នៅ

ថ្ងៃអាទិត្យ ២៧ កក្កដា ២០២៥

ដោយ

ក្រសួងអប់រំ យុវជន និងកីឡា បានឱ្យដឹងថា គិតត្រឹមព្រឹកថ្ងៃទី ២៧ ខែកក្កដា ឆ្នាំ ២០២៥ ជម្លោះប្រដាប់អាវុធដែលបង្កឡើងដោយប្រទេសថៃ មានសាលារៀន ៦០០ កន្លែង នៅខេត្តចំនួន ៥ បានបិទទ្វារប៉ះពាល់ដល់សិស្សានុសិស្ស ១៥ ម៉ឺននាក់ និងគ្រូបង្រៀនជាង ៦ ពាន់នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តចំនួន ៥ ដែលមានសាលារៀនបិទទ្វារ ក្នុងនោះមានខេត្តឧត្តរមានជ័យ ព្រះវិហារ បន្ទាយមានជ័យ កោះកុង និងពោធិ៍សាត់។ សាលាបិទច្រើនជាងគេ គឺ ខេត្តឧត្តរមានជ័យ មានរហូតដល់ទៅ ២៦០ កន្លែង នៅទូទាំងខេត្ត។ សាលារៀនដែលបានបិទទ្វារខ្លះ ត្រូវបានប្រើប្រាស់ជាទីតាំងសុវត្ថិភាពសម្រាប់ប្រជាជនភៀសខ្លួន។

គិតត្រឹមថ្ងៃទី ២៧ កក្កដានេះ ជម្លោះប្រដាប់អាវុធរវាងកម្ពុជា-ថៃ ដែលបង្កឡើងដោយភាគីថៃ បានឈានដល់ថ្ងៃទី ៤ ហើយ ជម្លោះនេះ មិនត្រឹមតែបង្កប៉ះពាល់ដល់អាយុជីវិតប៉ុណ្ណោះទេ ថែមទាំងប៉ះពាល់ការសិក្សារបស់សិស្ស ប្រាសាទ វត្តអារាម និងពលរដ្ឋភៀសខ្លួនយ៉ាងច្រើនទៀត៕

អត្ថបទ ៖ សំអឿន