ព័ត៌មានជាតិ

បើជៀសបានសូមកុំធ្វើដំណើរឆ្លងកាត់ស្ពានព្រះមុនីវង្ស ព្រោះស្ទះខ្លាំងណាស់

បានផុស

៥ years មុន

នៅ

ថ្ងៃព្រហស្បតិ៍ ៨ មេសា ២០២១

ដោយ

Kang Tola

ភ្នំពេញ ៖ ខណៈនេះកំណាត់ផ្លូវជាច្រើនដែលឆ្ពោះមកឆ្លងកាត់ស្ពានព្រះមុនីវង្សថ្មីកំពុងកកស្ទះចរាចរណ៍ខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះកំណាត់ផ្លូវព្រះនរោត្តមគឺស្ទះចាប់ពីស្តុបជលផល។ ដោយឡែកផ្លូវមុនីវង្សឆ្ពោះមកស្ពានព្រះមុនីវង្សថ្មីគឺស្ទះចាប់ពីស្តុបបូកគោ។ ខណៈផ្លូវ២១៧ចេញពីមុខមន្ទីរពេទ្យរុស្សីស្ទះចាប់ពីមុខផ្លូវចូលវត្តសន្សំកុសល។ ផ្លូវជាតិលេខ២ចេញពីតាខ្មៅឆ្ពោះមកស្ពានអាកាសក្បាលថ្នល់ត្រូវស្ទះរហូតដល់មុខសាលាសង្កាត់ចាក់អង្រែក្រោម។ ក្នុងនោះផ្លូវជាតិលេខ១ឆ្ពោះមកឆ្លងស្ពានព្រះមុនីវង្សគឺស្ទះចាប់ពីមុខបុរីប៉េង ហួត។

មកដល់ម៉ោង៧និង៣០នាទីយប់ ថ្ងៃទី៨ខែមេសានេះ ផ្លូវត្រូវកកស្ទះទាំងអស់នៅត្រង់ផ្លូវឆ្ពោះមកអតីតក្បាល។

ការកកស្ទះចរាចរណ៍នេះគឺដោយសារសាលាក្រុងកំពុងជួសជុលផ្លូវក្រាលកៅស៊ូរលើកំណាត់ស្ពានព្រះមុនីវង្សចាស់។ យកល្អសុំកុំធ្វើដំណើរឆ្ពោះមកច្បារអំពៅហៅស្ពាន(ព្រះមុនិវង្ស)ឲ្យសោះ។ម្យ៉ាងទៀតអ្នកដំណើរស្រូតចូលផ្ទះព្រោះខ្លាចហួសម៉ោងបិទបំរាមគោចរ៕

ដោយ ៖ នរា