នយោបាយ
គណបក្សហ្វ៊ុនស៊ិនប៉ិចមិនទាន់រកឃើញប្រធានថ្មី ដើម្បីបន្តពីសម្តេចក្រុមព្រះនៅឡើយទេ
គណបក្សហ្វ៊ុនស៊ិនប៉ិចនៅរសៀលថ្ងៃទី១៣ ខែធ្នូ ឆ្នាំ២០២១នេះ បានបើកកិច្ចប្រជុំវិសាមញ្ញនៃគណៈកម្មាធិការនាយក ដើម្បីពិភាក្សាពីការជ្រើសតាំងប្រធានថ្មី បន្តពីសម្តេចក្រុមព្រះ នរោត្តម រណឬទ្ធិ ដែលបានសោយទិវង្គត។ ប៉ុន្តែ គណៈកម្មាធិការនាយកនៃគណបក្សរាជានិយមមួយនេះ មិនទាន់ជ្រើសរើសបានប្រធានថ្មីនៅឡើយទេ។
យ៉ាងណាក៏ដោយ គណៈកម្មាធិការនាយកនៃគណបក្សហ្វ៊ុនស៊ិនប៉ិច មានពេល៦០ថ្ងៃយ៉ាងយូរ ដើម្បីរៀបចំកោះប្រជុំសមាជជ្រើសតាំងប្រធានគណបក្សថ្មី។ នេះបើតាមសេចក្តីប្រកាសព័ត៌មានស្តីពីលទ្ធផលនៃអង្គប្រជុំវិសាមញ្ញគណៈកម្មាធិការនាយកគណបក្សហ្វ៊ុនស៊ិនប៉ិច។ ត្បិត មិនទាន់រកឃើញប្រធានថ្មីក៏ពិតមែន ប៉ុន្តែ គណៈកម្មាធិការនាយកនៃគណបក្សហ្វ៊ុនស៊ិនប៉ិច បានអះអាងថា ប្រធានថ្មីនៃគណបក្សនេះ គឺបេក្ខភាពថ្នាក់ដឹកនាំដែលមានលេខរៀងបន្ទាប់ពីសម្តេចក្រុមព្រះ ឬ ព្រះញាតិវង្សរបស់ព្រះអង្គ។
ក្រៅពីបញ្ហាប្រធានគណបក្សថ្មីនេះ គណៈកម្មាធិការនាយកនៃគណបក្សហ្វ៊ុនស៊ិនប៉ិច ក៏បានសម្រេចកំណត់យកថ្ងៃទី២៨ ខែវិច្ឆិកា ជារៀងរាល់ឆ្នាំរៀបចំពិធីថ្វាយព្រះកុសល និងគោរពវិញ្ញាណក្ខន្ធណសម្តេចក្រុមព្រះ អតីតប្រធានគណបក្សហ្វ៊ុនស៊ិនប៉ិច។ គណៈកម្មាធិការនាយកនៃគណបក្សហ្វ៊ុនស៊ិនប៉ិច ក៏បានធ្វើបច្ចុប្បន្នភាពគណៈកម្មាធិការនាយក ដោយនៅមានសុពលភាពសមាជិកចំនួន ១៣ រូប។ ជាមួយគ្នានេះ ក៏បានផ្តល់នីត្យានុកូលភាពនៃមុខដំណែងថ្នាក់ដឹកនាំក្នុងរចនាសម្ព័ន្ធរបស់គណបក្សហ្វ៊ុនស៊ិនប៉ិចដែលមានមុនខែមិថុនា ឆ្នាំ២០១៨។
បន្ថែមពីលើនេះ គណៈកម្មាធិការនាយកនៃគណបក្សហ្វ៊ុនស៊ិនប៉ិច ក៏បានសម្រេចប្រគល់ភារកិច្ចជូនអនុប្រធានគណបក្ស១រូប ធ្វើជាតំណាងគណៈកម្មាធិការនាយក ដើម្បីចុះហត្ថលេខាលើឯកសារពាក់ព័ន្ធនឹងអង្គប្រជុំវិសាមញ្ញថ្ងៃទី១៣ ខែធ្នូ ឆ្នាំ២០២១។ ចំណែក គណៈកម្មការដោះស្រាយកិច្ចការទូទៅ ត្រូវបានសម្រេចឱ្យដឹកនាំគណបក្សបណ្តោះអាសន្ន រហូតដល់រើសបានប្រធានថ្មី។ អ្វីការកត់សម្គាល់ គណៈកម្មាធិការនាយកនៃគណបក្សហ្វ៊ុនស៊ិនប៉ិច បានបញ្ចប់សុពលភាពនៃការប្រើប្រាស់ត្រាមូលរបស់គណបក្សដែលមានធ្លាក់អក្សរសម្តេចព្រះប្រធាន ចាប់ពីថ្ងៃដែលសម្តេចក្រុមព្រះ សោយទិវង្គត ប៉ុន្តែ បានអនុញ្ញាតឱ្យប្រើប្រាស់ត្រាមូលរបស់គណបក្សហ្វ៊ុនស៊ិនប៉ិច ដូចមានគម្រូដែលបានជូនដំណឹងទៅក្រសួងមហាផ្ទៃ៕
អត្ថបទ ៖ វណ្ណ សុគន្ធា
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore