អាជីព

មេដឹកនាំល្អគឺអ្នកដែលអាចបង្កើតមេដឹកនាំបន្តជាច្រើនទៀតបាន

បានផុស

៤ years មុន

នៅ

ថ្ងៃសៅរ៍ ២៤ មេសា ២០២១

ដោយ

មេដឹកនាំពិតប្រាកដគឺបង្កើតមេដឹកនាំបន្ត មិនមែនមកបញ្ជាឆ្វេងស្កាំ ប្រើអំណាចនោះទេ។

តើនិយោជិកអាចទទួលបានអារម្មណ៍លើកទឹកចិត្តដោយរបៀបណា ប្រសិនបើធ្វើការមិនដឹងថ្ងៃណាបានឡើងតួនាទី មានភាពធុញទ្រាន់ កង្វះទំនុកចិត្តលើការសម្រេចចិត្តរបស់អ្នកគ្រប់គ្រងដែលរារែក និងតែងតែទម្លាក់បន្ទុកការងារដែលមិនអាចគ្រប់គ្រងបាន មិនអាចកសាងបរិយាកាសការងារដែលមិនសមស្រប កង្វះវឌ្ឍនភាពអាជីពឲ្យកូនចៅ មិនដែលបង្រៀន ឬបញ្ជូនទៅរៀន។ល។

ចង់ក្លាយជាអ្នកគ្រប់គ្រងឬដែលមានភាពជាអ្នកដឹកនាំផង ត្រូវការបង្កើតបាននូវមេដឹកនាំល្អជាបន្តបន្ទាប់ប្រកបដោយតម្លាភាព ពេញដោយការគោរពនិងការគាំទ្រ។
ការស្ទង់មតិបង្ហាញថា និយោជិករហូតដល់ទៅពាក់កណ្តាលបានចាកចេញពីការងារដោយសារតែបញ្ហារបស់ពួកគេជាមួយអ្នកគ្រប់គ្រងដែលជះឥទ្ធិពលទៅលើបទពិសោធន៍ការងារសរុបរបស់និយោជិក។

មេដឹកនាំពិតប្រាកដដែលចង់ជុំរុញយើងឲ្យក្លាយជាមេដឹកនាំដែរនោះតែងតែ៖

ស្គាល់សមត្ថភាពយើងល្អិតល្អន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារគាត់មិនអាចផ្លាស់ប្តូរគោលដៅឬគម្រោងនីមួយៗ ទៅតាមការចង់បានរបស់បុគ្គលិកតែយ៉ាងហោចណាស់ព្យាយាមផ្តល់ឲ្យពួកគេនូវសេរីភាពនៃជម្រើសដែលយល់ថាការខិតខំរបស់ពួកគេពិតជាមានអត្ថន័យ។ ឧទាហរណ៍អនុញ្ញាតឲ្យពួកគេជ្រើសរើសវិធីខ្លួនឯងដើម្បីជោគជ័យ រៀនសិក្សាបរាជ័យ សួរយោបល់របស់ពួកគេក្នុងការកំណត់គោលដៅ រាប់បញ្ចូលពួកគេនៅក្នុងក្រេឌីតនៃជោគជ័យ បែងចែកភាគលាភ ទៀត។

កែលំអស្ថាបនាទៀងទាត់

មេដឹកនាំល្អដេលចង់ឲ្យយើងរីកចម្រើនមិនដែលទុកយើងចោលរាប់ឆ្នាំមិនរវល់នោះទេ។ គាត់ចេះ កំណត់ពេលវេលាវាស់វែងនិងប្រាកដនិយម។ ធានាថាក្រុមអាចដឹងពីរបៀបអនិវត្តិតួនាទីនីមួយៗរបស់ពួកគេថាតើពួកគេមានសារៈសំខាន់យ៉ាងដូចម្តេចដើម្បីសំរេចគោលបំណងរបស់អង្គភាពទំាងមូល។

បង្រៀនឲ្យចេះប្រជុំនិងវប្បធម៌និយាយដោយចំហរ

មានមតិយោបល់ពីរកើតមានជាញឹកញាប់ គឺផ្លូវការ(ដើម្បីតែនឹងល្អស្តាប់)និងភាពស្មោះត្រង់។ មេដឹកនាំតែងតែរៀបចំការប្រជុំ ការជជែកដេញដោល ការពិភក្សា វាយតំលៃការអនុវត្តនិងផែនការអភិវឌ្ឍន៏ផ្ទាល់ខ្លួន ដែលសមាជិកម្នាក់ៗ មានឱកាសជាច្រើនសម្រាប់ការឆ្លើយតបនិងរៀនប្រឈមនឹងកិច្ចប្រជុំដែលអាចជាបទពិសោធន៍ឈានទៅក្លាយជាអ្នកគ្រប់គ្រងអង្គប្រជុំបាន។

ទទួលស្គាល់បញ្ហាប្រឈម

មេដឹកនាំដែលប្រុងធ្វើឲ្យយើងក្លាយជាអ្នកបន្តវេនតែងតែក្លៀវក្លានឹងបង្រៀនយើងឱ្យប្រឈមនឹងបញ្ហា នានារៀនសម្រេចចិត្ត។

មេដឹកនាំបែបនេះ តែងតែមិនសម្រេចចិត្តខ្លួនឯងភ្លាមទេ ដោយសួរយើងថា«ខ្លួនគិតបែបណាចង់ដោះស្រាយវិធីណា?»

ប្រែសម្រួល៖ហាណា

ចុចអាន៖ធីសាស្ត្រ ៤ យ៉ាងគ្រប់គ្រងមនុស្សមានបទពិសោធន៍ច្រើនជាងខ្លួន

ចុចអាន៖គន្លឹះ ៦ យ៉ាងដើម្បីក្លាយជាអ្នកដឹកនាំល្អនៅកន្លែងធ្វើការ ប្រកបដោយជោគជ័យ