អាជីព

រក្សាធនធានមនុស្ស ជាយុទ្ធសាស្ត្ររកស៊ីបានយូរអង្វែង

បានផុស

៣ years មុន

នៅ

ថ្ងៃពុធ ១៧ កុម្ភៈ ២០២១

ដោយ

គ្មានអ្នកណាកើតមកសម្រាប់បម្រើអ្នកទេ តែប្រសិនអ្នកល្អ គេក៏មិនដឹងចេញពីអ្នកទៅណាទៀតនោះដែរ។ ការខកខានមិនបានប្រើធនធាននៅនឹងដៃ ភាគច្រើនដោយសារតែ សហគ្រិនមិនយកចិត្តទុកដាក់ពិនិត្យ អំពីបុគ្គលិក ស្វែងយលពីពួកគេនិង ធ្វើយ៉ាងណាឲ្យពួកគេក្លាយជាផ្នែកដ៏មានសារៈសំខាន់មួយរបស់ក្រុមហ៊ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើអ្នកទុកគេមិនសំខាន់ គេក៏នឹងធ្វើខ្លួនមិនសំខាន់វិញដូចគ្នា។

សុខុមាលភាពរបស់បុគ្គលិក និយោជិកតែងតែ បង្កើនការចំណាយរបស់ក្រុមហ៊ុន ប្រការនេះហើយដែលមេដឹកនាំខ្លះស្ទាក់ស្ទើរក្នុងការអើពើ ។ គេមិនចង់ចំណាយលុយឲ្យបុគ្គលិករៀន មិនចង់ចំណាយព្យាបាល និងបង្កើតកម្មវិធីកម្សាន្ត ប៉ុន្តែតាមពិត វប្បធម៌នេះ មានអត្ថប្រយោជន៍ច្រើនណាស់ សម្រាប់និយោជកនិងនិយោជិក។

សុខុមាលភាពបុគ្គលិកល្អអាចឲ្យក្រុមហ៊ុនប្រកួតប្រជែងបានយ៉ាងមាំមួន ជាមួយនិយោជកផ្សេងទៀតសម្រាប់ការជ្រើសរើសថ្មី ឬរក្សាបុគ្គលិកដែលមានគុណភាព ។

វិធីងាយៗនេះអាចបង្ហាញដល់និយោជិកថាយើងកំពុងយកចិត្តទុកដាក់ចំពោះគេ៖

១ ជួបនិយាយនឹងពួកគេផ្ទាល់ស្និទ្ធស្នាលញឹកញាប់

២ ក្នុងទំនាក់ទំនងធ្វើជាមិត្តជាជាធ្វើដូចអ្នកនៅពីលើពួកគេ

៣ បង្ហាញថា គ្រប់គ្នាយកចិត្តទុកដាក់ អំពីជីវិតផ្ទាល់ខ្លួនរបស់ពួកគេដូចជាពេលពួកគេរៀបការ ខូចចិត្ត ឬមានកូន ទិញផ្ទះ។ល។

៤ បង្ហាញចំណាប់អារម្មណ៍លើមនុស្សសំខាន់ៗរបស់ពួកគេដូចជាកូនៗ ប៉ាម៉ាក ។ល។