អាជីព

ចំណុចសំខាន់ៗ ដែលមេដឹកនាំភាគច្រើននៅខ្វះ

បានផុស

៥ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

គោលការណ៍គ្រឹះ នៃភាពជាអ្នកដឹកនាំល្អ មិនមែនជាវិទ្យាសាស្ត្រ តែជាសិល្បៈ។

គុណតម្លៃជាមូលដ្ឋាននៃភាពជាអ្នកដឹកនាំល្អ កំណត់ថាតើអ្នកពិតជាមានប្រសិទ្ធិភាពជម្រុញនិយោជិកឲ្យបំពេញការងារបានល្អនិងស្មោះត្រង់ចំពោះអង្គភាព?

អ្នកខ្លះថាមិនសំខាន់ ឲ្យតែមានលុយប្រើខ្មោចក៏បាន តែគេភ្លេចថានៅក្នុងគ្រោងការណ៍រយៈពេលវែង នៃគ្រប់អាជីវកម្មពាណិជ្ជកម្ម ទឹកចិត្តមនុស្សជំរុញជោគជ័យខ្លាំងជាង វែងឆ្ងាយជាងទឹកលុយ។

អ្នកដឹកនាំដ៏អស្ចារ្យត្រូវរៀនជានិច្ចរឿងប្រាំពីរយ៉ាងដូចខាងក្រោម ហើយរៀនជារៀងរាល់ថ្ងៃ៖

ស្វែងរកមធ្យោបាយដើម្បីលើកទឹកចិត្តបុគ្គលិក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្តាប់ទៅហត់ តែនេះជាភារកិច្ចហើយជាអទិភាព។ ការកំណត់ស្តង់ដារខ្ពស់សម្រាប់ទំនាក់ទំនងរវាងផលិតភាពនិងវិជ្ជាជីវៈទូទាំងអង្គភាពអាស្រ័យលើទឹកចិត្តដែលបុគ្គលិកមានឱ្យមកក្រុមហ៊ុននេះជាការពិត។

ប្រាស្រ័យទាក់ទងដោយវិជ្ជាជីវៈតែស្និទ្ធស្នាល

និយោជិកតែងត្រូវការ ការវាយតម្លៃចំពោះការអនុវត្តរបស់ពួកគេ។ អ្នកគ្រប់គ្រងដ៏ល្អត្រូវតែយល់ច្បាស់ពីវិធីវាយតម្លៃលើវឌ្ឍនភាព (មិនមែនចាប់កំហុស) ឲ្យបានត្រឹមត្រូវ។ ទំនាក់ទំនងល្អទូទាំងអង្គភាព ជម្រុញទឹកចិត្តបុគ្គលិកខ្លាំងជាងកេរ៍ឈ្មោះខាងក្រៅដែលអ្នកតែងតែខំកសាងបណ្តាញភ្លេចបុគ្គលិកខ្លួន។

ចំណាយក្នុងការអភិវឌ្ឍពួកគេ

តំឡើងប្រាក់ខែនិយោជិកមិនស្មនឹងឲ្យពួកគេបានរៀនទេ។ ចូរផ្តល់=jyពួកគេនូវឧបករណ៍ដែលចាំបាច់ សម្រាប់សិក្សាស្រាវជ្រាវ និងការបណ្តុះបណ្តាលដើម្បីឈានដល់សក្តានុពលពេញលេញ ពេលនោះលុយចូលមកតាមឯង។

ធ្វើប្រតិភូកម្ម(ទម្លាក់អំណាច)នូវអ្វីដែលពួកគេអាចធ្វើបានធានាថា និយោជិកកាន់តែសប្បាយចូលរួមក្នុងការងារថែមឡើងជានិច្ច ។

បង្កើតភាពជាដៃគូជាមួយពួកគេ

ធ្វើឲ្យបុគ្គលិកមានអារម្មណ៍ថាពួកគេជាផ្នែកមួយពិសេស គេនឹងទុកក្រុមហ៊ុននេះជាអាយុជីវិតរបស់គេ។ បណ្ដុះអារម្មណ៍ដែលរីករាយក្នុងការមកធ្វើការ ជាបរិស្ថានវិជ្ជមាននិងផលិតភាពជំនាញនិងទទួលបានជោគជ័យខ្ពស់។

កសាងស្ពាននៃការជឿទុកចិត្ត

រៀនទុកចិត្តបុគ្គលិករបស់អ្នក។ ការជឿទុកចិត្តបង្កើតបរិយាកាសការងារវិជ្ជមានប្រកបដោយសុវត្ថភាពជាមួយនឹងការទំនាក់ទំនងដោយបើកចំហនិងស្មោះត្រង់។ ជឿជាក់ថានិយោជិករបស់អ្នកនឹងបំពេញឬលើសគោលដៅរបស់អង្គភាពនៅពេលធ្វើការក្នុងបរិស្ថានប្រកបដោយផលិតភាពសុវត្ថិភាពនិងការគាំទ្រ។

ប្រែសម្រួល៖ ស្រស់

ចុចអាន៖និយាយភាសាអង់គ្លេសមិនប៉ិនដូចគេ? សាកតាមវិធីខាងក្រោមបាន

ចុចអាន៖ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

Related Topics:មេដឹកនាំ