កម្លាំងមន្ទីរប្រឆាំងគ្រឿងញៀនចុះឡោមព័ទ្ធអគារមួយកន្លែងឃាត់ខ្លួនមនុស្សប្រុសស្រីច្រេីននាក់

កម្លាំងមន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ ដឹកនាំដោយលោកឧត្តមសេនីយ៍ឯក ឃឹង សារ៉ាត សហការជាមួយនគរបាលមូលដ្ឋាន បានឆ្មក់ចុះឡោមព័ទ្ធទីតាំងអគារមួយកន្លែងដែលមានយីហោ ពេជ្រលេីមេឃ ដែលលួចបង្កប់បេីកកន្លែងប្រេីប្រាស់គ្រឿងញៀនឃាត់ខ្លួនមនុស្សប្រុសស្រីជាច្រេីននាក់។

ប្រតិបត្តិការនេះ ធ្វេីឡេីងតាំងពីវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី១៦ ខែតុលា ឆ្នាំ២០២៥ស្ថិតតាមបណ្ដោយផ្លូវសបិត សង្កាត់ទន្លេបាសាក់ខណ្ឌចំការមន រាជធានីភ្នំពេញ រហូតមកដល់ម៉ោងជាង០៧ព្រឹកថ្ងៃទី១៦តុលានេះ នៅមិនទាន់ចប់នៅឡើយ។ ទោះបីយ៉ាងណា គេនៅមិនទាន់ដឹងពីចំនួនមនុស្សដែលត្រូវឃាត់ខ្លួន ហើយជាជនជាតិអ្វី ក៏ដូចជាចំនួនគ្រឿងញៀនក្នុងប្រតិបត្តិការបង្ក្រាបទ្រង់ទ្រាយធំនេះនៅឡើយទេ។

បច្ចុប្បន្នសមត្ថកិច្ចកំពុងធ្វេីការនាំខ្លួនមនុស្សប្រុសស្រីដែលជាជនសង្ស័យជាប់ពាក់ព័ន្ធករណីខាងលើជាច្រើននាក់ បញ្ជូនទៅអគ្គស្នងការដ្ឋាននគរបាលជាតិ ដើម្បីបន្តតាមនីតិវិធី៕

អត្ថបទ៖ សុភា