ជនសង្ស័យពីរនាក់ ចាប់រំលោភយុវតីវ័យ ១៦ឆ្នាំបានសម្រេចក្នុងចម្ការដំឡូង

សៀមរាប៖ ជនសង្ស័យ២នាក់ បានធ្វើសកម្មភាពចាប់យុវតីវ័យ១៦ឆ្នាំម្នាក់ រំលោភបានសម្រេច នៅក្នុងចម្ការដំឡូង នៅរសៀលថ្ងៃទី១៩ ខែមីនា ឆ្នាំ២០២២ ក្នុងភូមិត្រពាំងក្រសាំង ឃុំស្រែណូយ ស្រុកវ៉ារិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយកើតហេតុ កម្លាំងផែននគរបាលប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តសៀមរាប និងកម្លាំងប៉ុស្តិ៍នគរបាលរដ្ឋបាលស្រែណូយ ធ្វើការឃាត់ខ្លួនជនសង្ស័យបានទាំង២នាក់ រួមមាន៖ ០១/ឈ្មោះ ផើង ស៊ីផូ ភេទប្រុស អាយុ១៦ឆ្នាំ និងទី២/ឈ្មោះបាន ប៊ូន ហៅហួង ភេទប្រុស អាយុ១៧ឆ្នាំ មានទីលំនៅភូមិត្រពាំងក្រសាំង ឃុំស្រែណូយ ស្រុកវ៉ារិន ខេត្តសៀមរាប ជាមួយគ្នា។ សមត្ថកិច្ចបន្តថា តាមបញ្ជារបស់លោកព្រះរាជអាជ្ញា អមសាលាដំបូងខេត្ត ពីបទរំលោភសេពសន្ថវៈ កើតឡើងកាលពីថ្ងៃទី១៧ខែមីនា ឆ្នាំ២០២២ វេលាម៉ោង២១និង30នាទី នៅចំណុចចំការដំឡូងមី (សំបុកចាប) ស្ថិតក្នុងភូមិត្រពាំងក្រសាំង ឃុំស្រែណូយ ស្រុកវ៉ារិន ខេត្តសៀមរាប ទៅលើជនរងគ្រោះឈ្មោះស. ស.វ ភេទស្រី អាយុ១៦ឆ្នាំ មានទីលំនៅសង្កាត់គោកចក ក្រុង/ខេត្តសៀមរាប ។

បច្ចុប្បន្នជនសង្ស័យទាំង២នាក់ ត្រូវបានប្រគល់ឲ្យកម្លាំងការិយាល័យជំនាញ ដើម្បីបន្តនីតិវិធីទៅតាមផ្លូវច្បាប់៕កុសល