អាជ្ញាធរកំពុងឡោមព័ទ្ធចាប់សត្វខ្ទីងព្រៃមួយក្បាល ក្រោយដេញវ័ធពលរដ្ឋ៣នាក់រងរបួស

សត្វខ្ទីងព្រៃមួយក្បាលដេញវ័ធប្រជាពរដ្ឋរងបួសធ្ងន់ស្រាលចំនួន៣នាក់ ស្ថិតនៅក្នុងស្រុកបន្ទាយអំពិលខេត្តឧត្តរមានជ័យ កាលពីថ្ងៃទី៣០ ខែមីនា ឆ្នាំ២០២២។

សមត្ថកិច្ចបានអោយដឹងថា មានហេតុការណ៍ដែលពុំធ្លាប់ជួបហើយមិនធ្លាប់ឃើញដោយសារសត្វខ្ទីងព្រៃ១ក្បាលបានធ្វើសកម្មភាពដេញវ័ធ​ប្រជាពលរដ្ឋបណ្តាលឲ្យមានការរងរបួសចំនួន៣នាក់ប្រុស២ ស្រី១ ប្រជាពលរដ្ឋទាំង៣នាក់នោះរស់នៅ ភូមិសិទ្ឋិសរីចាស់ ឃុំគោកមន  ស្រុកបន្ទាយអំពិល​ខេត្តឧត្តរមានជ័យ។

ដោយសារតែប្រជាពលរដ្ឋទាំង៣នាក់គាត់ជាប្រជាកសិករធ្វើចម្ការដំឡូងរបស់គាត់ហើយគាត់បានឃើញមិនដឹងថា ជាសត្វខ្ទីងស្មាន​តែសត្វក្របី ក៏នាំគ្នាទៅដេញ តែក្រោយមកវាក៍មកដេញវ័ធពួកគាត់បណ្ដាលឲ្យរងរបួស និងត្រូវបានដឹក​យក​​មកសម្រាក​ព្យា​បាលនៅ​មន្ទីរពេទ្យបង្អែកខេត្តឧត្តរមានជ័យ។ រីឯចំណែកសត្វខ្ទីងវិញ កម្លាំងសម្ថកិច្ចដោយមានដាក់បទបញ្ជាពីឯកឧត្តម ប៉ែន កុសល្យ អភិបាល​នៃគណៈ​អភិបាលខេត្តឧត្តរមានជ័យ បានឲ្យលោក (អាន សាមិត្ត) អភិបាល​រងតំណាង លោកអភិបាលនៃគណអភិបាលស្រុក​បន្ទាយអំពិល រួមនិងកម្លាំងអភិរក្សមន្ទីរបរិស្ថានខេត្ត កម្លាំង​សឹករងបន្ទាយអំពិល និងកម្លាំងអធិការដ្ឋាននគរបាលស្រុកក្នុងការឃ្លាំចាំ​មើល​និងការពារចាប់តាំងពីម៉ោង១១និង១៥នាទី ថ្ងៃទី៣០ ខែមីនាឆ្នាំ២០២២រហូត​ទល់យប់នៅតែមិនអាចចាប់បានរងចាំកម្លាំងចំនាញ​អភិរក្សសួន​សត្វមក​ចាប់ផ្ទាល់ដោយសត្វខ្ទីងវាបានសំងំនៅក្នុងព្រៃជាប់ចម្ការដំឡូងខាងកើតភូមិសិទ្ឋសេរី​ដោយមានកន្លែងការពារវារមិនអោយ​ចេញរួច​នោះទេ ៕

អត្ថបទ៖ ចាន់ ធី