សន្តិសុខសង្គម

ឆ្លងចរន្តអគ្គិសនី បង្កជាអគ្គិភ័យឆាបឆេះផ្ទះ៣ខ្នងនៅសង្កាត់បឹងសាឡាង

បានផុស

៣ years មុន

នៅ

ថ្ងៃពុធ ១៣ មេសា ២០២២

ដោយ

ផ្ទះចំនួន៣ល្វែងត្រូវបានអគ្គីភ័យឆាបឆេះជាបន្តបន្ទាប់ ខណៈពេលឆ្លងចរន្តអគ្គីសនី ពីបង្គោលភ្លើង ដែលស្ថិតនៅជាប់នោះ។
ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោងប្រមាណ ៩ និង៤០នាទីព្រឹកថ្ងៃទី ១៣ ខែមេសា ឆ្នាំ២០២២ នៅចំណុច តាមផ្លូវបេតុង លេខ ២៤៧ភូមិ ទី១០ សង្កាត់បឹងសាឡាង ខណ្ឌទួលគោក រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមព័ត៌មានបានឱ្យដឹងថា នៅមុនពេលកើតហេតុ មានការឆ្លងចរន្តផ្ទុះស្សេខ្សែភ្លើង ចេញពីបង្គោលភ្លើង ដែលនៅស្ថិតនៅមុខផ្ទះខាងលើហើយអណ្តាតភ្លើង បានឆេះរាលដាលទៅផ្ទះលេខ ៥៤ដែលមានម្ចាស់ឈ្មោះ អ៊ុន គ្រុយ ភេទស្រី អាយុ៧៨ឆ្នាំ ហើយបានឆេះរាលដាលទៅផ្ទះ ២ល្វែងទៀតដែលធ្វើពីថ្មក្រោមឈើលើ។

តាមនគរបាលការិយាល័យបង្ការពន្លត់អគ្គីភ័យ និងសង្គ្រោះ នៃស្នងការនគរបាលរាជធានីភ្នំពេញ បានឱ្យដឹងថា នៅក្នុងហេតុការណ៍ រថយន្តពន្លត់អគ្គីភ័យចំនួន ២៤គ្រឿងទៅអន្តរាគមន៍ បាញ់ពន្លត់ ហើយភ្លើងបានរលត់ទៅវិញនៅវេលាម៉ោងប្រមាណ១១ និង១០នាទីព្រឹកថ្ងៃដដែល។

តាមនគរបាលបានឱ្យដឹងទៀតថា ផ្ទះចំនួន៣ល្វែងស្នើរគ្រួសារ ត្រូវភ្លើងឆេះរងការខូចខាត ដែលអគ្គីភ័យនេះបណ្តាលមកពីផ្ទុះស្សេខ្សែភ្លើង ចេញពីបង្គោលភ្លើង ដែលស្ថិតនៅពីមុខ ផ្ទះខាងលើហើយ បានឆេះរាលដាលយ៉ាងឆាបរហ័ស។ទោះបីជាយ៉ាងណា ពុំបណ្តាលបណ្តាលឱ្យមនុស្សរងរបួសឡើយ៕