កីឡា

នេះជាលើកទី១ ហើយសម្រាប់ គឿម សុវណ្ណឃីម ចាញ់សន្លប់ក្នុងអាជីពប្រដាល់

បានផុស

៦ ខែ មុន

នៅ

ថ្ងៃអង្គារ ២៨ តុលា ២០២៥

ដោយ

អ្នកលេងគុនខ្មែរ និងជាម្ចាស់ខ្សែក្រវាត់ជាច្រើនគ្រឿង គឿម សុវណ្ណឃីម ការចាញ់ម៉ារ៉ាតុងវគ្គផ្ដាច់ព្រ័ត្រជាមួយកីឡាករ ប៉ែនកាក់ យ៉ាស៊ីន កាលពីថ្ងៃទី២៦ ខែតុលា ឆ្នាំ២០២៥ នៅសង្វៀនថោននេះជាការចាញ់ដោយសន្លប់ធំជាលើកទី១ ក្នុងអាជីពប្រដាល់របស់គេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុវណ្ណឃីម និង យ៉ាស៊ីន

នេះបើតាមលោក សឿ វណ្ណៈ ដែលគេដឹងថាជាម្ចាស់ក្លឹបប្រដាល់គុនខ្មែរស៊ុបពើហ្វៃជាក្លឹបរបស់ គឿម សុវណ្ណឃីម ថាការចាញ់ដោយសន្លប់ធំកាលពីថ្ងៃអាទិត្យ ទី២៦ តុលា ២០២៥ ជាលើកទី១ ហើយសម្រាប់សិស្សម្នាក់នេះក្នុងអាជីពប្រដាល់។ លោកបន្ថែមទៀតថា កីឡាគឺបែបនេះមានគ្រប់រសជាតិដុះខាតសមត្ថភាពបន្ត។

សុវណ្ណឃីម ចាញ់សន្លប់

ចំណែកសាមីខ្លួនវិញក្រោយចាញ់ដោយសន្លប់នោះរួចមកក៏បានបង្ហោះសារនៅហ្វេសបុកសុំទោសចំពោះគ្រូគឺលោក ផាត សូដា និងសុំទោសអ្នកស្រឡាញ់គាំទ្រដែលខ្លួនធ្វើមិនបានល្អក្នុងការប្រកួតម៉ារ៉ាតុងដណ្ដើមខ្សែក្រវាត់នៅថោននេះ។

បញ្ជាក់ដែរថា គឿម សុវណ្ណឃីម ជាកីឡាករវ័យក្មេងម្នាក់ដែលសមត្ថភាពលេចធ្លោ និងធ្លាប់ចេញទៅប្រកួតនៅក្រៅប្រទេស រួមទាំងក្រសោបបានខ្សែក្រវាត់ជាច្រើនគ្រឿងផងដែរ។ ការប្រកួតម៉ារ៉ាតុងដណ្ដើមខ្សែក្រវាត់ IPCC Vigor Kun Khmer នៅប្រកួតទី១ សុវណ្ណឃីម ឈ្នះពិន្ទុ HAKIM SING RED WOLVES (ឡើងដោយស្វាយប្រវត្តិដៃគូធ្វើទម្ងន់មិនបាន) ប្រកួតទី២ ចាញ់សន្លប់ក្រោមថ្វីដៃកីឡាករ ប៉ែនកាក់ យ៉ាស៊ីន នៅទឹកទី១ របូតខ្សែក្រវាត់ទម្ងន់ ៥៥គីឡូក្រាមនេះ៕