កីឡា

សហព័ន្ធកីឡាជឺជីតស៊ូ ការប្រកួតជើងឯកថ្នាក់ជាតតិរឹតតែមានការចូលរួមកាន់តែច្រើនពីមួយឆ្នាំទៅមួយឆ្នាំ

បានផុស

៤ ខែ មុន

នៅ

ថ្ងៃចន្ទ ៩ មីនា ២០២៦

ដោយ

សហព័ន្ធកីឡាជឺជីតស៊ូកម្ពុជា បង្ហាញនូវមោទកភាពជាខ្លាំងពីមួយឆ្នាំទៅមួយឆ្នាំមានការស្រឡាញ់ចូលចិត្ត និងចូលរួមក្នុងការប្រកួតជើងឯកថ្នាក់ជាតិ ឆ្នាំ២០២៦ នេះមានការគាំទ្ររឹតតែខ្លាំង និងមានចំនួនច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួត

អគ្គលេខាធិការសហព័ន្ធលោក សំអុន បូរមី បានលើកឡើងថា ការប្រកួតជើងឯកថ្នាក់ជាតិ លើកទី៤ ឆ្នាំ២០២៦ នេះគឺមានសន្ទុះនៃការគាំទ្រច្រើនពីបណ្ដាកីឡាករ កីឡាការិនី និងក្លឹបផ្សេងៗនៅកម្ពុជាមានរហូតជាង ២០០នាក់ឯណោះ។ ពីមួយឆ្នាំទៅមួយឆ្នាំចំនួនអ្នកចូលរួមមានការកើនឡើងជាបន្តបន្ទាប់នេះបង្ហាញពីភាពរីកចម្រើន និងការចាប់អារម្មណ៍ជាខ្លាំងពីសាធារណៈជន។

ទិដ្ឋភាពប្រកួត

លោក សំអុន បូរមី បន្ថែមទៀតថា ការប្រកួតថ្នាក់ជាតិនៅឆ្នាំក្រោយអាចនឹងរៀបចំនៅឯខេត្តសៀមរាបវិញម្ដងដើម្បីចូលរួមផ្សព្វផ្សាយពីខេត្តតំបន់ទេសចរណ៍នៅទីនោះផង និងជាការផ្លាស់ប្ដូរបរិយាកាសថ្មីរួមទាំងជាប្រូម៉ូតទៅដល់ក្រុមជឺជីតស៊ូទាំងខ្មែរ-បរទេសផងដែរ។

ទិដ្ឋភាពប្រកួត

បញ្ជាក់ដែរថា សហព័ន្ធកីឡាជឺជីតស៊ូកម្ពុជា បានបិទបញ្ចប់ការប្រកួតជើងឯកថ្នាក់ជាតិ លើកទី៤ ឆ្នាំ២០២៦ របស់ខ្លួនហើយកាលពីថ្ងៃទី៨ ខែមីនា នៅសកលវិទ្យាល័យភូមិន្ទភ្នំពេញក្រោយរៀបចំអស់ ២ថ្ងៃកន្លងទៅនេះ៕