កីឡា
អ្នកលេងគុនខ្មែរ៦រូបនេះ ស័ក្តិសមចេញវ៉ៃនៅ ONE Championship
ជាងមួយឆ្នាំចុងក្រោយនេះ អ្នកលេងគុនខ្មែរ មិនទាន់មាននរណាម្នាក់ចេញទៅប្រកួតនៅស្ថាប័នប្រដាល់ពិភពលោក ONE Championship ទៀតទេ បន្ទាប់ពីអ្នកលេងគុនខ្មែរ សុខ ធី អាចបណ្តាលមកពីវិបត្តិកូវីដ-១៩ ឬទំនាក់ទំនងដើម្បីផ្គូផ្គង។
បើក្រឡេកមើលសកម្មភាពប្រដាល់គុនខ្មែរក្នុងស្រុកវិញ អ្នកលេងគុនខ្មែរស្ទើរគ្រប់គ្នាបានឡើងប្រកួតរាល់ថ្ងៃចុងសប្តាហ៍ក្នុងរយៈពេលជិត២ឆ្នាំចុងក្រោយនេះ បើទោះជាវិបត្តិកូវីដ-១៩រាតត្បាតយ៉ាងណាក៏ដោយ។ សង្វៀនគុនខ្មែរបើការប្រកួតបិទទ្វាររហូតដល់បច្ចុប្បន្ន។ ថ្វីបើការប្រកួតលក្ខណៈមិត្តភាពជាតិ និងខ្សែក្រវាត់ខ្មែរប៉ះខ្មែរ ប៉ុន្តែកីឡាករមួយចំនួនបានខិតខំប្រឹងប្រកួតអស់ពីសមត្ថភាព និងអភិវឌ្ឍខ្លួនបានយ៉ាងល្អប្រសើរ។ ដូច្នេះមានអ្នកលេងគុនខ្មែរមួយចំនួនល្បីទាំងឈ្មោះ ស្មារតីប្រកួតអង់អាច និងស្នៀតប្រយុទ្ធក៏ល្អ ដែលកត្តា៣យ៉ាងនេះហើយដែលពួកគេស័ក្តិសមចេញទៅប្រកួតនៅក្រៅប្រទេស។
ក្នុងនោះមានកីឡាករគុនខ្មែរ៦ស័ក្តិសមចេញទៅប្រកួតនៅស្ថាប័ន ONE Championship បានដែលប្រកួតលក្ខណៈគុនខ្មែរ ឬមួយថៃ។ កីឡាករទាំង៦រូបនោះ ឃីម បូរ៉ា, អេលីត សាន់, វាន់ វឿន, ប៊ុន សុធា, ខាំ ខ្លានាង និង សេន រ៉ាដេត។ លក្ខណៈពិសេសរបស់ស្ថាប័នប្រដាល់ ONE Championship គឺកីឡាករត្រូវមានស្មារតីប្រយុទ្ធអង់អាច ក្លាហានពោលគឺ វ៉ៃឲ្យអស់ពីសមត្ថភាពដើម្បីឲ្យអ្នកទស្សនាពេញចិត្ត។ ជាមួយគ្នា កីឡាករត្រូវស្នៀតប្រយុទ្ធល្អពោលគឺ កណ្តាប់ដៃធ្ងន់ ចេញលឿនៗបានច្រើន និងពូកែទាត់ទាំងក្រោម និងលើ។
អ្វីដែលស្ថាប័នពិភពលោកនេះចង់បានទៀតនោះ គឺកីឡាករក៏ត្រូវមានក្បាច់ពិសេសៗបង្ហាញលើសង្វៀនផងដូចជា នាគវាត់កន្ទុយ កែងបក ជង្គង់ កែង និងជង្គង់ហោះ។
និយាយពីអ្នកលេងគុនខ្មែរទាំង៦រូប ដែលស័ក្ដិសមទទួលបានឱកាសទៅប្រកួតនៅសង្វៀន ONE៖
ទី១៖ ឃីម បូរ៉ា ជាកីឡាករដែលមានបច្ចេកទេស និងអាវុធចេញបានល្អទាំងព្រម។ ក្នុងនោះកណ្តាប់ដៃ ទាត់ ធាក់ ជង្គង់ និងចាប់ផ្តួលតាមបច្ចេកទេស។ ជាពិសេសរូបគេមានកម្លាំងស៊ុហ្វអាចវ៉ៃបាន៣ឬ៥ទឹកបាន ហើយក៏មានទឹកចិត្តជាអ្នកប្រយុទ្ធ។ យ៉ាងណា អាវុធរបស់ ឃីម បូរ៉ា នៅស្ទើរពោលគឺមិនសូវធ្ងន់ខ្លាំងទេ។
ទី២៖ វាន់ វឿន ជាកីឡាករមានទឹកចិត្តក្លាហាន និងសម្រុកឆ្ពោះទៅរកដៃគូមិនចេះខ្លាចញញើត ហើយក៏មានអាវុធកាចសាហាវដែរ។ រូបគេពេលខ្លះប្រើកម្លាំងបាយពេកដែលធ្វើឲ្យចន្លោះប្រហោង។ យ៉ាងណា សមត្ថភាពវ៉ៃរបៀបនេះពិតជាត្រូវនឹងសង្វៀន ONE ណាស់។
ទី៣៖ ប៊ុន សុធា ក៏មិនខុសពី វ៉ាន់ វឿនដែរ។ រូបគេមិនដែលខ្លាចញញើតចំពោះដៃគូណាម្នាក់ទេ។ ការវ៉ៃដាក់សម្ពាធលើដៃគូជាក្បាច់ប្រចាំត្រកូលរបស់ សុធា ហើយកែងជាអាវុធពិឃាដរបស់គេ។ ជំនាញបែបនេះពិតជាសមចេញទៅវ៉ៃនៅក្រៅប្រទេសណាស់ ប៉ុន្តែរូបគេត្រូវប្រើប្រាជ្ញាជាងកម្លាំងបាយ។
ទី៤៖ អេលីត សាន់ ជាកីឡាករដែលទឹកចិត្តប្រយុទ្ធក្លាហាន និងអាវុធចេញបានល្អ។ រូបគេកម្រដើរថយក្រោយ ហើយវ៉ៃបកណាស់ ប្រសិនបើរូបគេមិនត្រូវបានដៃគូវ៉ៃឲ្យដួល។ រូបគេបោះជំហានទៅមុខជានិច្ច ហើយកណ្តាប់ដៃ ទាត់ និងកែងចេញដូចព្យុះដែលចំណុចនេះត្រូវនឹងអ្វីដែល ONE ចង់បាន។ ទោះជាយ៉ាងណា អេលីត សាន់ ស្ទើរកាយសម្បទា ដូច្នេះមិនពូកែជង្គង់ទេ ហើយក៏ពិបាករកដៃគូដែលមានកម្ពស់ត្រូវគ្នា។
ទី៥៖ ខាំ ខ្លានាង ក៏មិនខុសពី សេន រ៉ាដេត ទេសម្រាប់សមត្ថភាពលើសង្វៀន។ រូបគេមានទឹកចិត្តប្រកួតក្លាហាន និងមិនចុះញមដៃគូឡើយ ហើយបើនិយាយពីស្នៀតប្រយុទ្ធវិញល្អមួយកំផ្លេ។ រូបគេអាចទាត់ កណ្តាប់ដៃ និងកែងបានល្អណាស់។ សូម្បីតែកម្លាំងស៊ុហ្វក៏ពេញល្អ។
ទី៦៖ សេន រ៉ាដេត ជាកីឡាករទម្ងន់ស្រាលដែលអ្នកគាំទ្រកម្ពុជាពេញចិត្តខ្លាំងសម្រាប់សមត្ថភាពរបស់គេ។ ទាំងស្នៀតប្រយុទ្ធ និងស្មារតីមានពេញតែម្តងដែលកត្តាទាំងនេះហើយនឹងធ្វើឲ្យកក្រើកសង្វៀនទាំងក្នុងប្រទេស និងក្រៅប្រទេស។ មែនទែនទៅ អ្នកគាំទ្រពិតជាចង់ឃើញកីឡាកររូបនេះចេញទៅប្រកួតនៅក្រៅប្រទេសណាស់។
អ្វីដែលអ្នកលេងគុនខ្មែរត្រូវរៀនសូត្រមុនចេញទៅវ៉ៃនៅសង្វៀនក្រៅប្រទេស គឺការប្រកួតមិត្តភាព៣ទឹក ដូច្នេះត្រូវកែប្រែទម្លាប់វ៉ៃមួយៗតាមរបៀបគុនខ្មែរវ៉ៃ៥ទឹក។ ស្វែងយល់ពីរបៀបវ៉ៃក្រៅប្រទេស និងត្រូវមានចលនារហ័សរហួន៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង