កីឡា
ម្ចាស់ក្លិបអង្គរថាយហ្គឺរ លើកឡើងពីការផ្ដាច់កុងត្រាលើកីឡាករ ស្រាំង ទិត្យឈី
លោក Akihiro Kato ប្រធានក្លិបបាល់ទាត់ អង្គរថាយហ្គឺរ បានបញ្ជាក់ថា ការសម្រេចិត្តលើរឿងរ៉ាវរបស់ក្លិប ជាមួយកីឡាករ ស្រាំង ទិត្យឈី គឺដើម្បីបាល់ទាត់កម្ពុជា រីកចម្រើន។
រំឮកថា ក្លិបអង្គរថាយហ្គឺរ ជាមួយនឹងកីឡាករ ស្រាំង ទិត្យឈី ដែលបច្ចុប្បន្នត្រូវបានភ្ញាក់ផ្អើលក្នុងពិភពបាល់ទាត់កម្ពុជានោះ គឺពាក់ព័ន្ធទៅនឹងមូលហេតុផ្ដាច់កុងត្រាកីឡាករ ស្រាំង ទិត្យឈី ដោយសារកត្តាវិន័យ ខណៈសាមីខ្លួនតែងតែបដិសេធ។
ក្នុងសេចក្ដីថ្លែងការណ៍ ក្លិបបានបញ្ជាក់ពីមូលហេតុនៃការលុបចោលកិច្ចសន្យាដោយសារកីឡាករ ស្រាំង ទិត្យឈី បានធ្វើខុសវិន័យក្លិបដោយមកហ្វឹកហាត់យឺតយ៉ាវ និងឈប់សម្រាកដោយគ្មានហេតុផលច្បាស់លាស់ ខណៈក្នុងកិច្ចសន្យារវាងក្លិប និងកីឡាករសុទ្ធតែមានចែងថា ក្លិបមានសិទ្ធិលុបចោលកិច្ចសន្យាដោយគ្មានសំណង ប្រសិនបើអាកប្បកិរិយារបស់កីឡាករមិនសមរម្យ និងបន្ទាប់ពីទទួលបានការព្រមានជាលើកចុងក្រោយ។
ភ្ជាប់ជាមួយគ្នានេះដែរ លោក Akihiro Kato ម្ចាស់ក្លិបអង្គរថាយហ្គឺរ បានប្រាប់ “កម្ពុជាថ្មី” យ៉ាងដូច្នេះថា៖ «តាមពិតទៅខ្ញុំមិនជាមានអ្វីនិយាយច្រើនឡើយ។ ខ្ញុំគ្រាន់តែចង់ឃើញបាល់ទាត់កម្ពុជា មានការអភិវឌ្ឍន៍ជាងនេះ រួមទាំងក្លិបរបស់យើងផងដែរ។»
ប្រធានក្លិបជនជាតិជប៉ុនរូបនេះបានបន្តទៀតថា «យើងគួរតែធ្វើខ្លួនឱ្យក្លាយជាក្លិបអាជីពជាងនេះ។ កីឡាកររបស់ក្លិបអង្គរថាយហ្គឺរ គួរតែព្យាយាមលេងឱ្យអស់១០០ភាគរយសម្រាប់ក្លិប មិនមែនតែពេលប្រកួតទេ ប៉ុន្តែនៅពេលហ្វឹកហាត់ដូចគ្នា»។ ម្សិលមិញផងដែរ ស្រាំង ទិត្យឈី បានធ្វើការ Live បកស្រាយនៅលើទំព័រហ្វេសប៊ុកផ្លូវការរបស់ខ្លួន ដោយបន្តការពុំសុខចិត្ត និងទាមទារឱ្យក្លិបបង្ហាញលិខិតព្រមានដែលខ្លួនបានអះអាងថាពុំដែលបានទទួលពីខាងក្លិបម្ដងណាឡើយ៕
អត្ថបទ៖ មន្នីរ័ត្ន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?