ព័ត៌មានជាតិ
អត្តពលិក ៥៥០នាក់ នឹងជួបសម្ដែងការគួរសមជាមួយសម្តេចតេជោ ហ៊ុន សែន មុនចេញទៅស៊ីហ្គេម នៅវៀតណាម
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអនុញ្ញាតឲ្យប្រតិភូ គ្រូបង្វឹក និងកីឡាករ កីឡាការរិនី ៥៥០នាក់ ចូលជួបសម្ដែងការគួរសម និងទទួលអនុសាសន៍ណែនាំមួយចំនួនពីសម្ដេចតេជោ មុនអត្តពលិកកម្ពុជាចេញទៅប្រកួតកីឡាស៊ីហ្គេម (SEA Games) លើកទី៣១ នៅប្រទេសវៀតណាម ចាប់ពីថ្ងៃទី១២ ដល់ថ្ងៃទី២៣ ខែឧសភា ឆ្នាំ២០២២ ខាងមុខ ។
យោងតាមប្រសាសន៍របស់ឯកឧត្ដម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ នៅកម្ពុជា ក្នុងកិច្ចប្រជុំគណៈកម្មការជាតិ CAMSOC នាព្រឹកមិញ ឯកឧត្តមបានបញ្ជាក់ថា នៅថ្ងៃទី២៨ ខែមេសា ខាងមុខ អត្តពលិកកម្ពុជា ៥៥០នាក់ នឹងមានឱកាសចូលជួបសម្ដែងការគួរសមជាមួយប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន នៅមជ្ឈមណ្ឌលកោះពេជ្រ វេលាម៉ោង ៨ព្រឹក។
ប្រតិភូទាំង ៥៥០នាក់របស់កម្ពុជារួមមាន ថ្នាក់ដឹកនាំ និងមន្ត្រីកីឡា ចំនួន ៣៥នាក់, អត្តពលិក ចំនួន ៣៦៣នាក់ ក្នុងនោះកីឡាករ ២៣៧នាក់ និងកីឡាការិនី ១២៦នាក់។ ដោយឡែកគ្រូបង្វឹក និងគ្រូជំនួយសរុបចំនួន ៩៣នាក់, គ្រូពេទ្យ ចំនួន ១៨នាក់, អាជ្ញាកណ្ដាល ចំនួន ១៦នាក់, មន្ត្រីដឹកនាំក្រុម ជាប្រធាន និងអគ្គលេខាធិការ ចំនួន ២១នាក់ និង CADA ចំនួន ៤នាក់។
សូមបញ្ជាក់ថា សម្រាប់ព្រឹត្តិការណ៍ស៊ីហ្គេម លើកទី៣១ នេះនឹងមានកីឡាចំនួន ៤០ប្រភេទដាក់ឱ្យប្រកួត ស្មើនឹង ៥២៦វិញ្ញាសា។
ចំពោះកម្ពុជា នឹងបញ្ជូនកីឡាចំនួន ៣៣ប្រភេទចូលរួម មានអត្តពលិកសរុប ៣៦៣នាក់ រួមមានដូចជា អត្តពលកម្ម, ហែលទឹក, កាយសម្ព័ន្ធ, បាញ់កាំភ្លើង, តេក្វាន់ដូ WT, ប្រណាំងទោចក្រយាន, គុនដាវ, យូដូ, វ៉ូស៊ូ, ចំបាប់, ប្រដាល់សកល, ការ៉ាតេ, កីឡារាំ, ទ្រីយ៉ាត្លុង, ជឺជីតស៊ូ, លើកទម្ងន់, កានូ/កាយ៉ាក, បាល់ទាត់ (បុរស-នារី), បាល់ទះ, បាល់បោះ (5×5 និង 3×3 បុរស-នារី), សីដក់, វាយកូនឃ្លីលើតុ, វាយសី, វាយកូនបាល់, វាយកូនគោល, វ៉ូវីណាម, ប្រដាល់គុនខ្មែរ, ឃីកបុកស៊ីង, ប៉េតង់, កាយវប្បកម្ម, ប៊ីយ៉ា ស្នូកឃ័រ, កីឡាអេឡិចត្រូនិក និងអុកចិន។ ចំពោះ ៧ប្រភេទកីឡាដែលកម្ពុជាពុំចូលរួមមានដូចជា អុកអន្តរជាតិ, បាញ់ធ្នូ, ម៉ូតូទឹក, ប៊ូឡីង, បាល់គប់ (Handball), គុនគូរ៉ាស (Kurash) និង បញ្ចសីលា (Pencak silat)៕
អត្ថបទ ៖ មន្នីរ័ត្ន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១១ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ