កីឡា
ស្រួង ភាវី និយាយពីអារម្មណ៍ពិតពេលកីឡាប៊ីយ៉ាស្នូឃ័រដាក់បញ្ចូលក្នុងស៊ីហ្គេម២០២៣
កីឡាការិនីប៊ីយ៉ាស្នូឃ័រឆ្នើមកម្ពុជា ស្រួង ភាវី បានបង្ហាញអារម្មណ៍រំភើបរីករាយ និងរកពាក្យអ្វីមករៀបរាប់ពុំបាន ក្រោយពេលប្រភេទកីឡាប៊ីយ៉ាស្នូឃ័រត្រូវបានដាក់បញ្ចូលក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលប្រទេសកម្ពុជាទទួលរៀបចំធ្វើជាម្ចាស់ផ្ទះ។
ស្រួង ភាវី បានប្រាប់«កម្ពុជាថ្មី»ថា ៖«ខ្ញុំមានអារម្មណ៍រំភើបរកពាក្យអ្វីមកប្រៀបពុំបាន។ តែងតែមានភាពភ័យខ្លាច ប៉ុន្តែនេះជាមោទនភាពមួយ ជាប្រវត្តិសាស្ត្រមួយសម្រាប់ខ្ញុំដែលបានបង្ហាញពីប្រភេទកីឡារបស់ខ្ញុំទៅកាន់ប្រទេសកម្ពុជា ដើម្បីឲ្យបងប្អូនខ្មែរបានស្គាល់ប្រភេទកីឡាដ៏ល្អដែលប្រទេសខ្មែរកម្រមាន។ អីចឹងខ្ញុំមានតែក្តីរំភើបរីករាយ និងមានកម្លាំងចិត្តខ្លាំង»។
សូមបញ្ជាក់ថា កាលពីថ្ងៃទី១៣ ខែកក្កដា ម្សិលមិញនេះ ក្រុមប្រឹក្សាសហព័ន្ធកីឡាអាស៊ីអាគ្នេយ៍បានអនុម័តជាផ្លូវការនូវប្រភេទកីឡាចំនួន៣៩សម្រាប់ការប្រកួតដណ្តើមមេដាយនៅក្នុងស៊ីហ្គេម ឆ្នាំ២០២៣ នៅលើទឹកដីប្រទេសកម្ពុជា។ ក្នុងចំណោមកីឡាទាំង៣៩ដែលត្រូវបានអនុម័យនេះក៏មានកីឡាប៊ីយ៉ាស្នូឃ័រមួយផងដែរ។
ទោះបីជាយ៉ាងណា នេះគ្រាន់តែជាការកំណត់ចំនួនកីឡាដែលត្រូវដាក់ឲ្យប្រកួតប៉ុណ្ណោះ ប៉ុន្តែសម្រាប់វិញ្ញាសានៃប្រភេទកីឡានីមួយៗមិនទាន់ត្រូវបានសម្រេចឡើយ។ ដូច្នេះកីឡាប៊ីយ៉ាស្នូឃ័រក៏មិនទាន់ដឹងថា មានប៉ុន្មានវិញ្ញាសាដែរ និងវិញ្ញាសាអ្វីខ្លះដែរ។
កីឡាការិនីឆ្នើមរបស់កម្ពុជានៅលើទឹកដីប្រទេសកូរ៉េខាងត្បូង ស្រួង ភាវី មានជំនាញលើវិញ្ញាសាប៊ីយ៉ាស្នូឃ័រការ៉ុមដែលតែងតែធ្វើឲ្យជនជាតិកូរ៉េ និងពិភពលោកភ្ញាក់ផ្អើលចំពោះជំនាញដ៏អស្ចារ្យរបស់នាង។
កាលពីពេលថ្មីៗនេះ ស្រួង ភាវី ទើបតែសាងស្នាដៃថ្មីដ៏រំភើបរីករាយចំពោះមុខឪពុកម្តាយបង្កើតរបស់ខ្លួននៅលើទឹកដីនៃប្រទេសកូរ៉េខាងត្បូង បន្ទាប់ពីនាងបានឈ្នះជើងឯកកីឡាប៊ីយ៉ាការ៉ុមលំដាប់ពិភពលោក PBA-LPBA Championship៕
សូមមើលប្រភេទកីឡាអស់៖ ពាក្យថា«គុនខ្មែរ»មានឈ្មោះក្នុងបញ្ជីកីឡាសម្រាប់ស៊ីហ្គេមនៅកម្ពុជា
អត្ថបទ៖ វីរបុត្រ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ