កីឡា

អតីតកីឡាករបាល់ទាត់ Shevchenko អង្វរពិភពកីឡាកុំឱ្យ “បំភ្លេច” អ៊ុយក្រែន

បានផុស

៤ years មុន

នៅ

ថ្ងៃព្រហស្បតិ៍ ១៨ សីហា ២០២២

ដោយ

អតីតកីឡាករ Chelsea និង Milan លោក Andriy Shevchenko បានចេញលិខិតអង្វរទៅកាន់ពិភពកីឡាកុំឱ្យ “បំផ្លេច” អំពីអ៊ុយក្រែន ប៉ុន្តែបានស្វាគមន៍ផែនការដើម្បីចាប់ផ្តើមលីគបាល់ទាត់ ឡើងវិញនៅក្នុងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Shevchenko ដែលធ្លាប់ធ្វើជាប្រធានក្រុម និងគ្រូបង្វឹកក្រុមជម្រើសជាតិអ៊ុយក្រែន បានប្រាប់ CNN ថា «យើងមិនត្រូវភ្លេចនូវអ្វីដែលកំពុងកើតឡើងនៅក្នុងប្រទេសអ៊ុយក្រែននោះទេ។ ជនជាតិរុស្សីនៅតែបន្តទម្លាក់គ្រាប់បែក ហើយសង្គ្រាមមិនឈប់។ មែនទែនទៅ វាពិបាកណាស់សម្រាប់ខ្ញុំ ខ្ញុំនៅតែមានអារម្មណ៍តានតឹងចំពោះអ្វីដែលបានកើតឡើង។»

«ពេលខ្លះខ្ញុំបានសួរសំណួរដដែលៗ ហើយមិនអាចរកចម្លើយបាន ប៉ុន្តែឥឡូវនេះយើងមានទិសដៅតែមួយ យើងត្រូវឈ្នះសង្គ្រាមនេះ ហើយចាប់ផ្តើមកសាងប្រទេសឡើងវិញ។» Shevchenko បានបន្ថែម។

Shevchenko និងតារាវាយកូនបាល់ Elina Svitolina បានក្លាយជាឯកអគ្គរដ្ឋទូតរបស់ UNITED 24 ដែលជាអង្គការមួយដែលត្រូវបានបង្កើតឡើងដោយប្រធានាធិបតីអ៊ុយក្រែន Volodymyr Zelensky ដើម្បីគាំទ្រការបរិច្ចាគសម្រាប់កិច្ចខិតខំប្រឹងប្រែងសង្គ្រាមអ៊ុយក្រែន។ វាគឺជាគំនិតផ្តួចផ្តើមដែលប្រមូលបាន ១៦៦ លានដុល្លារ រហូតមកដល់ពេលនេះ។

«វាមានសារៈសំខាន់ខ្លាំងណាស់ ពីព្រោះនៅពេលនេះអត្តពលិក គឺជាតំណាងសម្រាប់ក្មេងជំនាន់ក្រោយ។ សម្រាប់ប្រជាជនដើម្បីប្រកាន់ជំហរប្រឆាំងនឹងសង្គ្រាម គឺមានសារៈសំខាន់ខ្លាំងណាស់ក្នុងការផ្ញើសារទៅកាន់ពិភពលោកដើម្បីប្រឆាំងនឹងសង្គ្រាម និងការគាំទ្រសន្តិភាពនៅអ៊ុយក្រែន។» Shevchenko បានទទូច៕

ប្រភព៖ CNN

អត្ថបទ៖ មន្នីរ័ត្ន