កីឡា
តើកូនខ្មែរ-អាមេរិក Nick Taylor ជាប់ជម្រើសជាតិមានប្រវត្តិយ៉ាងណា?
នៅព្រឹកថ្ងៃទី១ ខែកញ្ញា ឆ្នាំ២០២២នេះ សហព័ន្ធកីឡាបាល់ទាត់កម្ពុជាបានចេញបញ្ជីឈ្មោះកីឡាករបឋមចំនួន៤០រូបដើម្បីត្រៀមប្រកួតមិត្តភាពអន្តរជាតិនាថ្ងៃទី២២ ខែកញ្ញា។
បញ្ជីបឋមនេះមានកីឡាករមកពីក្លឹបផ្សេងៗគ្នាជាច្រើន ក្នុងនោះមានកីឡាករឈ្មោះ ថេឡូរ នីកូឡាស់ ឌឿង មកពីក្លឹបបាល់ទាត់អាមេរិក Orlando City SC ដែលជាក្លឹបបាល់ទាត់អាជីពជាសមាជិក Eastern Conferences ក្នុងលីគបាល់ទាត់កំពូលអាមេរិកគឺ Major League Soccer។
នៅក្នុងក្លឹបនេះ ថេឡូរ នីកូឡាស់ ឌឿង ប្រើឈ្មោះ Nick Taylor ដែលរូបគេកំពុងលេង Orlando City SC កម្រិត B។ រូបគេកើតថ្ងៃទី២ ខែកញ្ញា ឆ្នាំ១៩៩៨ នៅទីក្រុង Coppell រដ្ឋតិចសាស សហរដ្ឋអាមេរិក ដែលម្តាយជាជនខ្មែរ និងឪពុកជាជនអាមេរិក ដូច្នេះរូបគេមានសិទ្ធិតំណាងឲ្យជម្រើសជាតិកម្ពុជា។
លេងក្នុងតំណែងខ្សែបម្រើប្រយុទ្ធ នីកូឡាស់ កាលពីយុវជនលេងឲ្យសាលារៀន Coppel High School។ នៅពេលនោះរូបគេបានរួមចំណែកឲ្យសាលានេះឈ្នះជើង UIL 6A State ប្រចាំរដ្ឋតិចសាស ឆ្នាំ២០១៦ និងបានជាប់ឈ្មោះក្នុងក្រុមឆ្នើម NSCAA Winter-Spring High School Boys All-American រដូវកាល២០១៦-១៧។
ជាពិសេសទៀតនោះ នីកូឡាស់ បានជាប់ក្នុងបញ្ជីឈ្មោះយុវជនឆ្នើមប្រចាំឆ្នាំប្រចាំរដ្ឋ Gatorade ពីរដង (Gatorade State Player of the Year) ដែលស្ថិតនៅចំណាត់ថ្នាក់លេខ២ក្នុងឆ្នាំ២០១៦។ កាលនៅយុវជន រូបគេបានលេងឲ្យក្លឹប Dallas Texans និងបានជួយឲ្យក្លឹបនេះឈ្នះមេដាយសំរឹទ្ធជើងឯកយុវជនអាមេរិក (U.S. Youth Soccer National) កាលពីឆ្នាំ២០១៣ និងឈ្នះពានរង្វាន់ប្រចាំរដ្ឋពីរដង ព្រមទាំងឈ្នះជើងឯកលីគ Classic League Division I ពីរដង។
ក្រោយមករូបគេបានចូលលេងឲ្យក្រុមកម្រិតមហាវិទ្យាល័យចាប់ពីឆ្នាំ២០១៦ដល់ឆ្នាំ២០២១។ រដូវកាល២០១៧-២០១៨ រូបគេលេងឲ្យក្រុមមហាវិទ្យាល័យ New Mexico Lobos បាន២៩ដង និងរកបាន៦គ្រាប់។ បន្ទាប់មកផ្លាស់ទៅលេងឲ្យក្រុមមហាវិទ្យាល័យ SMU Mustangs ឆ្នាំ២០១៩-២០២១ រូបគេបង្ហាញខ្លួនលើទីលាន៣១ប្រកួត រកបាន២គ្រាប់ និងឆ្នាំ២០២១ដដែលលេងឲ្យមហាវិទ្យាល័យ UFC Knights បាន១៦ប្រកួត រកបាន៣គ្រាប់។
នៅឆ្នាំ២០២២នេះ នីកីឡាស់ ចុះកុងត្រាជាផ្លូវការចូលក្លឹបធំកម្រិតអាជីព Orlando City SC និងកំពុងលេងកម្រិត B ដែលពេលនេះរូបគេបង្ហាញខ្លួននៅលើទីលាន៧ដងហើយ។
ថេឡូរ នីកូឡាស់ ឌឿង មានបទពិសោធច្រើនទាំងពីយុវជន រហូតដល់ក្លឹបអាជីព និងត្រូវបានកោះហៅចូលជម្រើសជាតិកម្ពុជាក្នុងបញ្ជីបឋមត្រៀមប្រកួតមិត្តភាពអន្តរជាតិជាមួយប្រទេសបង់ក្លាដែស នៅថ្ងៃទី២២ ខែកញ្ញា ខាងមុខនេះ៕
អត្ថបទ៖ វីរបុត្រ
លោក តាន់ ហ្សង់ហ្វ្រង់ស័រ៖ ដោះស្រាយបញ្ហាព្រំដែន ត្រូវការតែអ្នកជំនាញមុតស្រួច មិនត្រូវការអ្នកជាតិនិយម អ្នកនយោបាយឡើយ
អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ
អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ
តៃវ៉ាន់ ធ្វើសមយុទ្ធយោធាបាញ់មីស៊ីលពីដីទៅអាកាស
កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២១ ម៉ោង agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ