កីឡា

U-20 កម្ពុជា បញ្ចប់បេសកកម្មពាន AFC U-20 បានត្រឹមលេខ ៤ ក្នុងពូល

បានផុស

២ years មុន

នៅ

ថ្ងៃចន្ទ ១៩ កញ្ញា ២០២២

ដោយ

ក្រុម U-20 កម្ពុជា បានប្រកួតចាញ់ U-20 តាជីគីស្ថាន ក្នុងជំនួបចុងក្រោយ ពូល I នៃវគ្គជម្រុះពានរង្វាន់ជើងឯកយុវជនអាយុក្រោម ២០ ឆ្នាំ អាស៊ី (AFC U-20 Asian Cup 2022) លទ្ធផល ១-១ នាយប់ថ្ងៃទី ១៨ ខែកញ្ញា ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតនេះ គ្រាន់តែចាប់ផ្ដើមភ្លាម U-20 តាជីគីស្ថាន នាមជាម្ចាស់ផ្ទះ បានការកៀបសង្កត់លើ U- 20 កម្ពុជា យ៉ាងខ្លាំង ជាមួយនឹងការសម្រុកឥតឈប់ឈរ ពឹងផ្អែកទៅលើល្បឿនដ៏លឿន ប៉ុន្តែធ្វើមិនបានសម្រេច ខណៈអ្នកចាំទីកម្ពុជា ជួយសង្គ្រោះបានច្រើនផងដែរ។ ក្រោយមកនៅតែមិនអាចមានគ្រាប់បាល់ និងបានរក្សាលទ្ធផល ០-០ ត្រឹមវគ្គទី ១។

ចូលដល់វគ្គទី ២ ម្ចាស់ផ្ទះ កាន់តែមានសម្ទុះកាន់តែខ្លាំងឡើងថែមទៀត ដោយធ្វើបានល្អកាន់តែប្រសើរឡើង រួចក៏ឈានតៅសម្រេចគ្រាប់បាល់ទី ១ របស់ខ្លួននៅនាទី ៥៨ ដោយកីឡាករ Amadoni Kamolov។ ទន្ទឹមនឹងការដាក់សម្ពាធ ក៏ដូចជាការនាំមុខ កម្ពុជាក៏បង្កើតបានឱកាសដ៏ល្អមួយ រហូតដល់អាចសម្រេចគ្រាប់បាល់ដោយកីឡាករ ហាវ សុខណេត នៅនាទី ៦៤។ ពេលវេលាដែលសេសសល់ គឺជាពេលវេលាដែលម្ចាស់ផ្ទះប្រឹងប្រែងដើម្បីរកគ្រាប់បាលជ័យជម្នះ ហើយការព្យាយាមក៏បានសម្រេចនៅនាទី ៧៩ ដោយកីឡាករ Nishon boyzoda តាមរយៈបាល់ ១១ ម៉ែត្រ លទ្ធផលនេះក៏បានរក្សារហូតដល់ចុងក្រោយ កម្ពុជា ចាញ់ តាជីគីស្ថាន ២-១។

លទ្ធផលនេះបានធ្វើឱ្យកម្ពុជា ស្ថិតនៅលេខ ៤ ក្នុងពូល ក្រោយប្រកួត ៣ ដង ស្មើ ១ និងចាញ់ ២ មានតែ ១ ពិន្ទុប៉ុណ្ណោះ រីឯក្រុមឡើងជុំបន្តស្វ័យប្រវត្តិគឺតាជីគីស្ថាន រកបាន ៧ ពិន្ទុ ខណៈលីបង់ ឈរលេខ ២ មាន ៦ ពិន្ទុ ត្រូវរង់ចាំអ៊ុតពូលផ្សេងទៀត ស្របពេលដែលសិង្ហបុរី លេខ ៣ មាន ២ ពិន្ទុ៕

អត្ថបទ៖ មន្នីរ័ត្ន