កីឡា

មន្ត្រី៤រូបទៀតរបស់នាយកដ្ឋានកីឡាក្រសួងមហាផ្ទៃត្រូវបានបញ្ចប់មុខតំណែង

បានផុស

៤ years មុន

នៅ

ថ្ងៃអង្គារ ២០ កញ្ញា ២០២២

ដោយ

ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានត្រាស់បង្គាប់ប្រមុខរដ្ឋស្តីទី សម្តេចវិបុលសេនាភក្តី សាយ ឈុំ ចេញព្រះរាជក្រឹត្យ ត្រាស់បង្គាប់បញ្ចប់មុខតំណែង ឧត្តមសេនីយ៍ត្រី ឆេង សុភ័ក្រ ពីអគ្គលេខាធិការនៃអគ្គលេខាធិការដ្ឋានក្រុមកីឡាក្រសួងមហាផ្ទៃ ឲ្យមកជាមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានចេញអនុក្រឹត្យបញ្ចប់មុខតំណែងមន្ត្រីនគរបាលចំនួន៣រូបពីអគ្គលេខាធិការដ្ឋានក្រុមកីឡាក្រសួងមហាផ្ទៃគឺ ឧត្តមសេនីយ៍ត្រី ជា ប៊ុនវិបុល ពីអគ្គលេខាធិការរង ឲ្យមកជាមន្ត្រីមន្ត្រី។ ឧត្តមសេនីយ៍ត្រី ជា សែនវិស្សុត ពីអគ្គលេខាធិការរង ឲ្យមកជាមន្ត្រី។ ចំណែកវរសេនីយ៍ឯក ជា ច័ន្ទវិចិត្រ ពីប្រធានអង្គភាពរដ្ឋបាល និង ហិរញ្ញវត្ថុ មានឋានៈស្មើប្រធាននាយកដ្ឋាន ឲ្យមកជាមន្ត្រី។

សូមបញ្ជាក់ថា កាលពីថ្ងៃទី៦ ខែសីហា ឆ្នាំ២០២២កន្លងទៅនេះ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យ ត្រាស់បង្គាប់បញ្ចប់មុខតំណែង លោក ជា ប៊ុនហេង ពីអនុរដ្ឋលេខាធិការ ក្រសួងមហាផ្ទៃ។

លោក ជា ប៊ុនហេង ត្រូវបានព្រះមហាក្សត្រតែងតាំងជាអនុរដ្ឋលេខាធិការក្រសួងមហាផ្ទៃតាំងពីថ្ងៃទី២៩ ខែមករា ឆ្នាំ២០២២ ហើយលោកជាអ្នកដឹកនាំអគ្គលេខាធិការដ្ឋានក្រុមកីឡាក្រសួងមហាផ្ទៃ៕