កីឡា

ព្រំ សំណាង នឹងថតខ្សែភាពយន្តរឿង«លោកតាឃ្លាំងមឿង»ជាតួឯក

បានផុស

១ year មុន

នៅ

ថ្ងៃព្រហស្បតិ៍ ២៣ មីនា ២០២៣

ដោយ

កីឡាករប្រដាល់គុនខ្មែរ ព្រំ សំណាង ទទួលបានឱកាសថតខ្សែភាពយន្តរឿង«លោកតាឃ្លាំងមឿង» បន្ទាប់ពីអាជីពប្រដាល់របស់ខ្លួនកំពុងជោគជ័យ និងមានទីផ្សារប្រកួតអន្តរជាតិជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅមុននេះបន្តិច ព្រំ សំណាង បានឲ្យដឹងថា ខ្លួននឹងថតខ្សែភាពយន្តរឿង«លោកតាឃ្លាំងមឿង»នាពេលដ៏ខ្លីខាងមុខ។ អ្វីដែលគួរឲ្យចាប់អារម្មណ៍នោះ កីឡាកររូបនេះបានបញ្ជាក់ពីតួនាទីដែលខ្លួនសម្តែងទៀតផងដោយបាននិយាយថា ៖«បន្តិចទៀតខ្ញុំបាទនឹងថតខ្សែភាពយន្ដរឿង«លោកតាឃ្លាំងមឿង» ខ្ញុំជាតួលោកតាឃ្លាំងមឿង បងប្អូនគាំទ្រខ្ញុំទេ»។

មួយរយៈពេលចុងក្រោយនេះ ព្រំ សំណាង ជាកីឡាករទម្ងន់ធ្ងន់ម្នាក់ដែលទទួលបានជោគជ័យខ្លាំងក្នុងអាជីពប្រដាល់របស់ខ្លួន ហើយទទួលបានប្រាក់រង្វាន់ឧបត្ថម្ភច្រើនជាបន្តបន្ទាប់ ព្រមទាំងទទួលបានរង្វាន់រថយន្តមួយគ្រឿងពីការប្រកួតបីស្ត្រីជាទីស្រឡាញ់កាលពីថ្ងៃទី៨ ខែមីនា កន្លងទៅនេះទៀត។

នៅថ្ងៃសៅរ៍ ទី២៥ ខែមីនា ចុងសប្តាហ៍នេះ ព្រំ សំណាង នឹងប្រកួតជាមួយកីឡាកររុស្ស៊ី Vladimir Gabov អាយុ២៧ឆ្នាំ កម្ពស់១.៧៨ម៉ែត្រ ទម្ងន់៧៨គីឡូក្រាម និងប្រកួត៦០ដង មិនដែលចាញ់ទៀតផង៕

អត្ថបទ៖ វីរបុត្រ