កីឡា

បត់បេះដូងបំបែកកំណត់ត្រា Guinness រកលុយបានជិត២០០០លានរៀលជួយដល់អត្តពលិកជនពិការកម្ពុជា

បានផុស

៣ years មុន

នៅ

ថ្ងៃអង្គារ ១១ មេសា ២០២៣

ដោយ

សហភាពសហព័ន្ធយុវជនកម្ពុជាបានបំបែកកំណត់ត្រាពិភពលោក (Guinness World Record) ក្នុងការបត់បេះដូងក្រដាសបានចំនួន ៣ ៩១៧ ៨០៥ នៅប្រាសាទអង្គរវត្ត។

តំណាងស្ថាប័នកំណត់ត្រាឯតទគ្គកម្មពិភពលោក បានរាប់ និងប្រគល់លិខិតបញ្ជាក់ជាផ្លូវការសម្រាប់ជយលាភីដល់កម្ពុជា នៅល្ងាចថ្ងៃទី១១ ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពី Beyond The Games ថា បេះដូងនីមួយៗ ដែលបងប្អូនបានចូលរួមបត់មានតម្លៃស្មើនឹងទឹកប្រាក់ ៥០០រៀល ដែលត្រូវបានបរិច្ចាគដោយដៃគូបរិច្ចាគចំនួន៥ ដើម្បីជួយឧបត្ថម្ភដល់អត្តពលិកជនពិការភាពកម្ពុជា តាមរយៈគណៈកម្មាធិការជាតិប៉ារ៉ាឡាំពិកកម្ពុជា។ អ្វីដែលពិសេសជាងនេះទៅទៀត ការចូលរួមបត់បេះដូងនេះបានបង្ហាញអំពី «ភាសាបេះដូង» ដែលមិនអាចកាត់ថ្លៃបានរបស់ប្រជាពលរដ្ឋកម្ពុជាក្នុងការសហការគ្នា ដើម្បីគាំទ្រអត្តពលិកកម្ពុជា។

បើគិតប្រាក់សរុបគឺ បេះដូង១លានស្មើនឹងតម្លៃ៥០០លានរៀល ហើយបេះដូង៣លានស្មើនឹងតម្លៃ ១៥០០លានរៀល និងបេះដូង ៩១៧ ៨០៥ មានតម្លៃជិត៥០០លានរៀល ដូច្នេះបេះដូងសរុប ៣ ៩១៧ ៨០៥ មានតម្លៃជិត២០០០លានរៀល។

ថវិកាទាំងអស់នឹងជួយឧបត្ថម្ភគាំទ្រដល់អត្តពលិកជនមានពិការភាពកម្ពុជាដែលកំពុងត្រៀមខ្លួនយ៉ាងសកម្មសម្រាប់ការប្រកួតកីឡាអាស៊ានប៉ារ៉ាហ្គេម លើកទី១២ ខែមិថុនា ឆ្នាំ២០២៣ ខាងមុខនៅប្រទេសកម្ពុជា៕