កីឡា

អត្តពលិកឃីកបុកស៊ីងកម្ពុជាច្រើនរូបប្រកួតវគ្គពាក់កណ្តាលផ្តាច់ព្រ័ត្រថ្ងៃនេះ

បានផុស

១ year មុន

នៅ

ថ្ងៃចន្ទ ១៥ ឧសភា ២០២៣

ដោយ

កីឡាករ និងកីឡាការិនីឃីកបុកស៊ីងកម្ពុជាជាច្រើនរូបត្រូវប្រកួតវគ្គពាក់កណ្តាលផ្តាច់ព្រ័ត្រថ្ងៃនេះដើម្បីរកឱកាសទៅកាន់វគ្គដណ្តើមមេដាយមាស បន្ទាប់ពីពួកគេទទួលបានជោគជ័យនៅវគ្គសន្សំពិន្ទុដំបូងកាលពីម្សិលមិញក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតចាប់ផ្តើមពីម៉ោង១០ព្រឹកថ្ងៃទី១៥ ខែឧសភានេះនៅសង្វៀនអគារដំរី ក្នុងពហុកីឡដ្ឋានជាតិមរតកតេជោ កីឡាករ៦រូប និងកីឡាការិនី២រូបត្រូវប្រកួតវគ្គពាក់កណ្តាលផ្តាច់ព្រ័ត្រ។ កីឡាករមួយចំនួនបានប្រកួតវគ្គជម្រុះជុំដំបូងកាលពីម្សិលមិញដូចជា ទូច រ៉ាឆាន និង សុខ រិទ្ធ ជាដើម ប៉ុន្តែកីឡាករខ្លះចាប់ឆ្នោតឈរចាំវគ្គពាក់កណ្តាលផ្តាច់ព្រ័ត្រតែម្តងដូចជា លន បញ្ញា និង សៃណេត ស៊ីណៃ ជាដើម។

អត្តពលិកឃីកបុកស៊ីងកម្ពុជាប្រកួតវគ្គពាក់កណ្តាលផ្តាច់ព្រ័ត្រថ្ងៃនេះ

ទូច រ៉ាឆាន់ (ប៉ឹតសង្ឃឹម) vs Sungnoi Chaiwat (ថៃ) ទម្ងន់៥៧គក
សាន រ៉ាគីម Vs Santidongsakun Chal Eeamlap (ថៃ) ទម្ងន់៦៣.៥គក
សុខ រិទ្ធ vs Rumijam Aassor (ម៉ាឡេស៊ី) ទម្ងន់៥១គក
កីឡាការិនី វី ស្រីឆាយ vs De Paz Gretel (ហ្វីលីពីន) ទម្ងន់៥៦គក
លន បញ្ញា vs Nguyen The_Huong (វៀតណាម) ទម្ងន់៦៧គក
សៃណេត សៃណៃ vs Kiet Nguyen Tuan (វៀតណាម) ទម្ងន់៥១គក
ផន ចន្ធី vs Taipanyavong Soukan (ឡាវ) ទម្ងន់៦០គក
កីឡាការិនី ឆាត ចាន់មុន្នី vs Araos Gina (ហ្វីលីពីន) ទម្ងន់៥៥គក

ការប្រកួតវគ្គផ្តាច់ព្រ័ត្រមួយចំនួនក៏នឹងមានធ្វើនៅល្ងាចថ្ងៃទី១៥ ខែឧសភានេះផងដែរ។ ចំពោះជើងខ្លាំងកម្ពុជា ឈឿង ល្វៃ បានឡើងវគ្គផ្តាច់ព្រ័ត្រដណ្តើមមេដាយមាសហើយ បន្ទាប់ពីឈ្នះកីឡាករវៀតណាមនៅវគ្គពាក់កណ្តាលផ្តាច់ព្រ័ត្រ៕

អត្ថបទ៖ វីរបុត្រ