កីឡា

ចាន់ វឌ្ឍនាកា ៖«ពួកយើងសុំទោស និងកែប្រែចំណុចខ្វះខាត»

បានផុស

៣ years មុន

នៅ

ថ្ងៃសុក្រ ១៦ មិថុនា ២០២៣

ដោយ

កីឡាករបាល់ទាត់ល្បីឈ្មោះ ចាន់ វឌ្ឍនាកា បានសុំទោសដល់អ្នកគាំទ្រដែលក្រុមបាល់ទាត់ជម្រើសជាតិកម្ពុជាធ្វើមិនបានល្អក្នុងការប្រកួតមិត្តភាពជាមួយបង់ក្លាដែស នៅយប់ថ្ងៃទី១៥ ខែមិថុនា ឆ្នាំ២០២៣ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាន់ វឌ្ឍនាកា ត្រូវបានប្តូរចូលឲ្យលេងនៅវគ្គទី២ ប៉ុន្តែមិនបានជួយឲ្យកម្ពុជាទទួលបានលទ្ធផលល្អ។ យ៉ាងណាវត្តមានរបស់តារាបាល់ទាត់រូបនេះទទួលបានការចាប់អារម្មណ៍យ៉ាងខ្លាំងពីអ្នកគាំទ្រផ្ទាល់ដែលមានប្រមាណជិត៣ម៉ឺននាក់។

កីឡាកររបស់ក្លិបបឹងកេតបាននិយាយថា ៖«យើងបានដឹងថា មិនមែនជាលទ្ធផលដែលយើងចង់បានពីការប្រកួតម្សិលមិញទេ សូម្បីតែរូបខ្ញុំផ្ទាល់ ប៉ុន្តែអ្វីដែលយើងត្រូវធ្វើបន្តគឺសិក្សាកែប្រែពីកំហុស។ សម្រាប់កីឡាបាល់ទាត់គឺគ្មានកីឡាករម្នាក់ណាអាចធ្វើបានល្អឥតខ្ចោះនោះឡើយ»។

«ពួកយើងពិតជាសុំទោស ក៏ដូចជាអរគុណសម្រាប់ការគាំទ្រក្រុមទាំងមូល។ អ្វីដែលយើងត្រូវចងចាំនោះគឺពាក្យថា ឆន្ទៈ ប្រឹងប្រែង ព្យាយាម អត់ធ្មត់ និង ត្រូវចេះមានឈឺចាប់។ ពួកយើងពិតជាអរគុណអ្នកគាំទ្រទាំងអស់គ្នាដែលតែងអត់ធ្មត់ គាំទ្រ និងនៅជាមួយពួកយើង។ ចាន់ វឌ្ឍនាកាបានសង្កត់ធ្ងន់។

ក្រុមជម្រើសជាតិកម្ពុជាបានគ្រប់គ្រងបាល់យ៉ាងល្អ និងដាក់សម្ពាធខ្លាំងលើបង់ក្លាដែស ប៉ុន្តែគ្មានសំណាងបំប៉ោងសំណាញ់ទីរបស់ដៃគូឡើយ។ ផ្ទុយទៅវិញ បង់ក្លាដែសមានឱកាសតែម្តងក៏រកគ្រាប់បាល់បានតែម្តងដោយចប់ការប្រកួតកម្ពុជាចាញ់១-០។

រហូតដល់ពេលនេះ កម្ពុជានៅតែមិនទាន់អាចយកឈ្នះលើបង់ក្លាដែសបានឡើយ បន្ទាប់ពីជួបគ្នា៦លើកគឺស្មើ១ និងចាញ់៥៕

អត្ថបទ៖ វីរបុត្រ

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា