កីឡា

ប្រវិត្តិកីឡាការីនី Kelly ដែលត្រៀមសងសឹក ខាន់ ចេសា ដណ្តើមខ្សែក្រវាត់ពិភពលោក

បានផុស

៣ years មុន

នៅ

ថ្ងៃចន្ទ ៣១ កក្កដា ២០២៣

ដោយ

កីឡាការិនីជឺជីតស៊ូជម្រើសជាតិកម្ពុជា ខាន់ ចេសា នឹងប្រកួតជាមួយកីឡាការិនីអាមេរិក Danielle Kelly នៅថ្ងៃទី២៩ ខែកញ្ញា ឆ្នាំ២០២៣ នៅប្រទេសសិង្ហបុរី ដើម្បីដណ្តើមខ្សែក្រវាត់ជំនាញឃ្លេពិភពលោកនៅសង្វៀន ONE Championship។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់កំណត់ត្រាក្នុងអាអាជីពជាកីឡាការនីឃ្លេ និងជឺជីតស៊ូ កីឡាការិនីអាមេរិករូបនេះបានចាប់ផ្តើមប្រកួតតាំងពីឆ្នាំ ២០១៤ ដោយធ្លាប់ប្រកួត ២៩ លើក ក្នុងនោះឈ្នះ ១៩ លើកចាញ់ ៩ និងស្មើ ១លើក។

កីឡាការីនី Danielle Kelly អាយុ២៧ឆ្នាំដែលមានខ្សែក្រវាត់ខ្មៅជឺជីតស៊ូកំពុងហ្វឹកហាត់នៅក្លិបល្បីឈ្មោះរបស់ប្រទេសសិង្ហបុរី Evolve MMA។ នាងបានចុះកុងត្រាចូលសង្វៀន ONE Championship កាលពីឆ្នាំ២០២២ ជាពេលកីឡាការិនីកម្ពុជា ខាន់ ចេសា បានចុះកុងត្រាដែរ។

បន្ទាប់ពីបានចុះកុងត្រាមក កីឡាការិនីអាមេរិករូបនេះបានប្រកួត៣ដងហើយនៅសង្វៀន ONE ដោយលើកទី១បានស្មើពិន្ទុកីឡាករជប៉ុន Mei Yamaguchi, លើកទី២បានយកឈ្នះកីឡាការិនីរុស្ស៊ី Mariia Molchanova និងលើកទី៣បានយកឈ្នះកីឡាករជប៉ុន Ayaka Miura។ ស្របពេល ខាន់ ចេសា មិនទាន់ធ្លាប់បានប្រកួតនៅ ONE ទេ ប៉ុន្តែកីឡាការិនីអាមេរិក-កម្ពុជារូបនេះ ធ្លាប់បានឈ្នះពិន្ទុ Kelly ក្នុងកម្មវិធី Who’s Number One (WNO) កាលពីថ្ងៃទី ២៦ ខែកុម្ភៈ ឆ្នាំ ២០២១។

នៅថ្ងៃទី២៥ ខែតុលា ឆ្នាំ ២០២០ Kelly បានយកឈ្នះកីឡាការីនី Roxanne Modafferi ក្នុងព្រឹត្តិការណ៍ Submission Hunter Pro 60 ។ រូបនាងក៏បានចូលរួមក្នុងពិធីសម្ពោធ UFC Fightpass Invitational នៅថ្ងៃទី១៦ ខែធ្នូ ឆ្នាំ ២០២១ ដោយជួបជាមួយកីឡាការីនី Alexa Yanes ប៉ុន្តែកីឡាការីនី Kelly ចាញ់ពិន្ទុ។

សម្រាប់កំណត់ត្រាដ៏ល្អរបស់កីឡាការីនី Danielle Kelly ដោយបានឈ្នះកីឡាការីនីជើងចាស់ UFC គឺកីឡាការីនី Roxanne Modafferi, កីឡាការីនី Cynthia Calvillo និងអតីតជើងឯក UFC Women’s Strawweight Champion កីឡាការីនី Carla Esparza៕

អត្ថបទ៖ ផា រតនា