កីឡា
ប៉ះគ្នាយប់នេះ កីឡាករ Lewis ចាត់ទុកភ្នំពេញក្រោនជាក្រុមគ្រោះថ្នាក់
កីឡាករ Clayton Lewis បានចាត់ទុកភ្នំពេញក្រោន ជាក្រុមគ្រោះថ្នាក់នៅក្នុងពូលជាមួយគ្នា នៅពេលក្រុមរបស់ខ្លួន Macarthur FC ត្រូវប៉ះគ្នាវេលាម៉ោង៧យប់ ថ្ងៃទី២៦ ខែតុលា ឆ្នាំ២០២៣ វគ្គសន្សំពិន្ទុក្នុងពូល F ពានរង្វាន់ AFC Cup នៅពហុកីឡដ្ឋានជាតិអូឡាំពិក។
ក្នុងសន្នីសីទព័ត៌មានមុនការប្រកួតកីឡាករ Clayton Lewis បាននិយាយថា ៖«ខ្ញុំគិតថា កីឡាករភ្នំពេញក្រោនសុទ្ធតែអាចបង្កគ្រោះថ្នាក់ដល់យើង។ ទោះបីយើងមានប្រៀបលើកាយសម្បទា តែខ្ញុំគិតនេះជាការប្រកួតមួយដ៏លំបាកមួយ»។
ចាប់តាំងពីវគ្គជម្រុះដំបូងមកដល់វគ្គសន្សំពិន្ទុ ភ្នំពេញក្រោន ធ្វើបានយ៉ាងល្អ ដោយទទួលបានជ័យជម្នះ៤លើកជាប់គ្នាក្នុងពានរង្វាន់ AFC Cup។ ប្រការនេះបានធ្វើឲ្យក្រុម Macarthur មានការប្រុងប្រយ័ត្នខ្ពស់។
ខ្សែប្រយុទ្ធជប៉ុនកីឡាករ Shintaro Shimizu ជាអ្នកបញ្ចប់ទីដ៏មានប្រសិទ្ធភាពដែល កំពុងឈរនាំមុខគេក្នុងនាមជាកីឡាកររកគ្រាប់បានច្រើនគឺ៦គ្រាប់គិតទាំងគ្រាប់បាល់រកបានក្នុងវគ្គជម្រុះ ខណៈកីឡាករ Andrés Nieto ឈរនៅលេខ៤ រកបាន៣គ្រាប់។
កីឡាករ Clayton Lewis បានបន្ថែមថា៖«ភ្នំពេញក្រោនកំពុងមានកំណត់ត្រាល្អ ២ប្រកួតក្នុងពូលពួកគេមិនទាន់របូតគ្រាប់បាល់ឡើយ តែខ្ញុំនិងក្រុមទាំងមូលបានតៀមរួចហើយ។ យប់នេះជាការប្រកួតដ៏អស្ចារ្យ ដោយសារក្រុមទាំងពីរចាប់ផ្តើមបានល្អ មិនទាន់ចាញ់ដូចគ្នា»។
ការប្រកួត២លើកវគ្គសន្សំពិន្ទុក្នុងពូល Macarthur FC បានយកឈ្នះ Shan United ៣-០ និងឈ្នះ Cebu ៨-២។ ចំណែកភ្នំពេញក្រោន បានឈ្នះ Cebu ៣-០ និងឈ្នះ Shan United ៤-០៕
អត្ថបទ៖ ផា រតនា
-
ព័ត៌មានជាតិ១០ ម៉ោង agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី