កីឡា
យ៉េន ឌីណា ប្រាប់ពីអាជីពប្រដាល់បានបំពេញក្តីស្រមៃអ្នកមានគុណរួចរាល់
កីឡាករប្រដាល់គុនខ្មែរ ប៉ោ ភារិទ្ធ (យ៉េន ឌីណា) បានតស៊ូជម្នះឧបសគ្គគ្រប់បែបយ៉ាងក្នុងអាជីពឈឺខ្លួនរហូតសម្រេចក្តីស្រមៃរបស់ឪពុកម្ដាយដែលចង់បានដីមួយកន្លែង និងសង់ផ្ទះសមរម្យសម្រាប់រស់នៅលើដីគោក ដោយសារពួកគាត់រស់នៅលើទឹករយៈពេលជាច្រើនឆ្នាំ។
យ៉េន ឌីណា ដែលមានខ្សែក្រវ៉ាត់៧គ្រឿង និងម្ចាស់មេដាយមាសស៊ីហ្គេម លើកទី៣១ ឆ្នាំ២០២១ នៅប្រទេសវៀតណាម បានទម្លាយឲ្យដឹងថា អ្នកមានគុណរបស់ខ្លួនមានផ្ទះរស់នៅលើទឹក។ ពួកគាត់មានក្តីស្រមៃមានដីនិងផ្ទះមួយកន្លែងដែលអាចរស់នៅលើដីគោក។ រូបគេមិនបានរៀនសូត្រច្រើនទេ ប៉ុន្តែអាជីពប្រដាល់បំពេញក្តីស្រមៃរបស់ពួកគាត់។
ការតស៊ូក្នុងអាជីពឈឺខ្លួនរយៈពេល១៤ឆ្នាំ យ៉េន ឌីណា បានសម្រេចនូវក្តីស្រមៃរបស់អ្នកមានគុណដោយបានបានទិញដីមួយកន្លែង និងសាងសង់ផ្ទះសមរម្យមួយខ្នងជូនពួកគាត់រស់នៅ។ ជាមួយគ្នានេះ រូបគេក៏បានយកប្រាក់ពីប្រដាល់ជួយផ្គត់ផ្គង់គ្រួសារ និងទិញម៉ូតូឲ្យប្អួនៗបានជិះគ្រប់គ្នា។
ឆ្នាំ២០០៩ យ៉េន ឌីណា ដែលរៀនត្រឹមថ្នាក់ទី៩ បានចាប់ផ្តើមហ្វឹកហាត់ប្រដាល់តាំងពីអាយុ៨ឆ្នាំ និងបានចេញទៅហ្វឹកហាត់នៅប្រទេសថៃទាំងវ័យក្មេងជាច្រើនឆ្នាំ មុនពេលបោះជំហានចូលមកទីក្រុងភ្នំពេញជាកន្លែងដែលផ្តល់ឲ្យរូបគេមានកេរ្តិ៍ឈ្មោះបោះសំឡេងជាកីឡាករប្រដាល់ជោគជ័យម្នាក់។
យ៉េន ឌីណា ដែលមានកំណើតនៅឆ្នាំ១៩៩៤ នៅភូមិ២ ឃុំដងទង់ ក្រុងខេមរភូមិន្ទ ខេត្តកោះកុង បានចូលចាប់ផ្តើមហ្វឹកហាត់គុនខ្មែរដំបូងឆ្នាំ២០០៣។ រូបគេស្ទើរតែបង់បោះចោលប្រដាល់តាំងពីវ័យក្មេង ដោយសារទៅហ្វឹកហាត់នៅប្រទេសថៃទាំងវ័យដែលឃ្លាតឆ្ងាយពីផ្ទះនិងនឹកក្រុមគ្រួសារ៕
អត្ថបទ៖ ផា រតនា
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២១ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ