កីឡា

សហព័ន្ធបាល់ទាត់កម្ពុជាបើកទ្វារស្វាគមន៍វិសាខាវិលវិញជានិច្ច

បានផុស

១ year មុន

នៅ

ថ្ងៃចន្ទ ១១ មីនា ២០២៤

ដោយ

សហព័ន្ធកីឡាបាល់ទាត់កម្ពុជា និងគ្រប់ក្លិបទាំងអស់រង់ចាំការវិលត្រឡប់មកវិញគ្រប់ពេលវេលាចំពោះក្លិបបាល់ទាត់វិសាខាដែលបានប្រកាសដកខ្លួនពីខេមបូឌានព្រីមៀរលីគ និងពានរង្វាន់សម្តេចតេជោ ហ៊ុន សែន កាលពីថ្ងៃសុក្រ ទី៨ ខែមីនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ សារ៉េត អគ្គលេខាធិការ សហព័ន្ធកីឡាបាល់ទាត់កម្ពុជា មានប្រសាសន៍ក្នុងសន្និសីទសារព័ត៌មាននារសៀលថ្ងៃទី១១ ខែមីនា ឆ្នាំ២០២៤ថា សហព័ន្ធកីឡាបាល់ទាត់កម្ពុជា និងគ្រប់ក្លិប រង់ចាំការវិលត្រឡប់មកវិញជានិច្ចរបស់ក្លិបបាល់ទាត់វិសាខា។ ទន្ទឹមជាមួយគ្នានេះ ការវិលត្រឡប់មកវិញរបស់វិសាខាត្រូវផ្អែកលើនីតិវិធីច្បាប់ពាក់ព័ន្ធនឹងសហព័ន្ធកីឡាបាល់ទាត់អាស៊ី និងសហព័ន្ធកីឡាបាល់ទាត់អន្តរជាតិ ពីព្រោះការដកខ្លួនរបស់វិសាខាទទួលបានការដឹងឮពីស្ថាប័នកីឡាកំពូលទាំងពីរ។

កាលពីថ្ងៃទី៨ ខែមីនា ឆ្នាំ២០០២៤ វិសាខា បានប្រកាសដកខ្លួនពីការប្រកួតទាំងអស់ដែលរៀបចំដោយក្រុមហ៊ុន ខេមបូឌាន ព្រីមៀរលីគ រដូវកាល២០២៣-២៤ និងពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ រដូវកាល២០២៣-២៤ បន្ទាប់ពីអាជ្ញាកណ្តាលកាត់សេចក្តីដ៏ចម្រូងចម្រាសក្នុងការប្រកួតរបស់ម្ចាស់ផ្ទះវិសាខាជាមួយភ្នំពេញក្រោន ដែលបញ្ចប់ដោយលទ្ធផលស្មើគ្នា ២-២ ក្នុងជើងទី១ វគ្គពាក់កណ្តាលផ្តាច់ព្រ័ត្រ ពានរង្វាន់សម្តេចតេជោ ហ៊ុន សែន កាលពីថ្ងៃទី៦ ខែមីនា ឆ្នាំ២០២៤នៅកីឡដ្ឋានព្រីនស៍៕