កីឡា
លោក Ancelotti ជាគ្រូបង្វឹកទី១ឈ្នះជើង UCL ចំនួន៥លើក
លោក Carlo Ancelotti បានជួយក្លិបយក្សអេស្ប៉ាញអធិរាជស Real Madrid ឈ្នះជើងឯកពានរង្វាន់ក្លិបលំដាប់ទី១អឺរ៉ុប UEFA Champions League ដើម្បីក្លាយជាគ្រូបង្វឹកទី១ដែលបានឈ្នះពានរង្វាន់នេះចំនួន៥លើកក្នុងប្រវត្តិសាស្ត្រ។
នៅវគ្គផ្តាច់ព្រ័ត្រយប់ទី១ ខែមិថុនា ឆ្នាំ២០២៤ Real Madrid បង្ហាញទម្រង់ការពារដ៏មានប្រសិទ្ធភាព បើទោះជាក្រុមអាល្លឺម៉ង់ Borussia Dortmund បានគ្រប់គ្រងការប្រកួតយ៉ាងល្អនៅក្នុងវគ្គទី១ ប៉ុន្តែចូលវគ្គទី២ អធិរាជសបានទម្លាយសំណាញ់ទី Dortmund ២គ្រាប់ដោយខ្សែការពារ Carvajal នៅនាទី៧៤ និងគ្រាប់ទី២រកបានដោយខ្សែប្រយុទ្ធវ័យក្មេង Vinicius Junior នៅនាទី៨២។
នេះជាជើងឯកលើកទី១៥របស់ Real Madrid ដែលជាការឈ្នះជើងឯកច្រើនជាងគេបំផុតក្នុងប្រវត្តិសាស្ត្រ។ ការឡើងវគ្គផ្តាច់ព្រ័ត្រ១៨ដង គឺឈ្នះជើងឯក១៥ដង និងបានជើងឯករង៣ដង។ គិតចាប់ឆ្នាំ១៩៨១មក រាល់ពេលក្រុមនេះឡើងវគ្គផ្តាច់ព្រ័ត្រ មិនដែលចាញ់ទេ។
លោក Carlo Ancelotti ក្នុងនាមជាគ្រូបង្វឹកបានគ្រងជើងឯក UCL ចំនួន៥ដងគឺ២លើកជាមួយក្លិប AC Milan រដូវកាល ២០០២-៣ និង២០០៦-៧ ហើយ៣លើកជាមួយ Real Madrid គឺរដូវកាល ២០១៣-១៤, ២០២១-២២ និង២០២៣-២៤។ កាលនៅជាកីឡាករ លោកធ្លាប់ឈ្នះជើងឯកនេះ២ដងគឺជាមួយ AC Milan នៅរដូវកាល១៩៨៨-៨៩ និង១៩៨៩-៩០៕
អត្ថបទ៖ វីរបុត្រ
-
ព័ត៌មានជាតិ៣ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៣ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច៦ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម២ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៤ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៣ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ
-
ព័ត៌មានអន្ដរជាតិ៣ ថ្ងៃ agoណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត