បេក្ខភាព៨នាក់ ​ត្រៀមប្រកួតក្នុងកម្មវិធី Frenzy Freestyle ដើម្បី​ឱកាស​ឡើងទៅជុំបន្ដ

ការប្រកួតហ្វ្រេនហ្ស៊ី ហ្រ្វីស្តាយល៍បានឈានដល់វគ្គ ១/៤ ផ្តាច់ព្រ័ត្រ ក្នុងនោះបេក្ខភាពទាំង៨រូបនឹងត្រូវប្រកួតប្រជែងគ្នា ដើម្បីដណ្ដើមកៅអីឡើងទៅវគ្គពាក់កណ្ដាលផ្ដាច់ព្រ័ត្រ។

ភាពរំភើបគឺកំពុងតែកើនឡើងស្របពេលការប្រកួតហ្វ្រេនហ្ស៊ី ហ្រ្វីស្តាយល៍បានឈានដល់វគ្គ ១/៤ ផ្តាច់ព្រ័ត្រ។ ការប្រកួតបាល់ហ្វ្រីស្តាយល៍ ដំបូងនៅកម្ពុជា គឺជាដំណើរការ​ដ៏អស្ចារ្យមួយ រហូតមកដល់ពេលនេះ ដោយបេក្ខជន បេក្ខនារី​ ដែលមានទេពកោសល្យនៅក្នុងប្រទេសកម្ពុជាបានប្រកួតគ្នា ដើម្បីមានឱកាសឈានទៅវគ្គបន្តមួយទៀតក្នុងចំណោមជើងខ្លាំងទាំង៨នាក់។

កម្មវិធីដ៏​អស្ចារ្យ​នេះ​បាន​ឆក់​យក​បេះដូង​ទស្សនិកជន និង​អ្នក​ចូល​រួម​ដែលមិនធ្លាប់ស្គាល់ថាបាល់ហ្វ្រីស្តាយល៍ជាអ្វី ដោយ​បាន​បង្ហាញ និងលេចឃើញនូវសមត្ថភាព និងសិល្បៈនៃការលេងបាល់របស់បេក្ខជន បេក្ខជនារី​ ក្នុងការ​បង្កើត​ក្បាច់ថ្មីប្លែកៗ។ នៅពេល​ការ​ប្រកួតគឺទាមទារឱ្យបេក្ខជន បេក្ខនារីទាំងអស់ព្យាយាមឱ្យអស់ពីកម្លាំងកាយចិត្ត ដើម្បីទទួលបានពិន្ទុពីគណៈកម្មការ​វាយតម្លៃ ក្នុងការឈានទៅកាន់វគ្គបន្ត។

ចង់ដឹងថាវគ្គ ១/៤ ផ្តាច់ព្រ័ត្រ (វគ្គ៨នាក់ចុង​ក្រោយ) នឹងមានទស្សនីយភាព ក្បាច់ពិសេសអ្វី​ខ្លះដែលត្រូវបង្ហាញ ដើម្បីឱ្យបងប្អូនហូរសប្បាយ កុំភ្លេចតាមដាន និងចូលរួមទស្សនាគាំទ្រដោយសេរីទាំងអស់ នៅស្ទូឌីយោបាយ័នបឹងស្នោរ នាថ្ងៃទី០២ ខែកុម្ភៈ ឆ្នាំ២០២៥​ ចាប់ពីម៉ោង៣:០០ នាទីរសៀលតទៅ ដោយរួមមាន ៖

• បេក្ខនារី  ឌី គឹមយាន នឹងត្រូវប្រកួតជាមួយ​បេក្ខជន លន់ ឆៃយ៉ា               
• បេក្ខជន ចាន់ណាក់​ វរៈបុត្រ នឹងត្រូវប្រកួតជាមួយគ្នាបេក្ខជន​ នួន វណ្ណា      
• បេក្ខជន ស៊ុំ សាន​ នឹងត្រូវប្រកួតជាមួយ បេក្ខជន ខុន ខេមរៈបុត្ត
• បេក្ខជន ផ្លម ធិញហួយ នឹងត្រូវប្រកួតជាមួយបេក្ខនារី យ៉ែម នារតី​