យុវជន​ឆ្នើម Yamal ថា នៅ UCL មិនខ្លាចក្រុមណាទាំងអស់

ខ្សែប្រយុទ្ធស្លាបរបស់ Barcelona កីឡាករវ័យ​ក្មេង​ Lamine Yamal បានបង្ហាញភាពជឿជាក់ខ្ពស់សម្រាប់ក្រុមរបស់គេនៅក្នុងពានរង្វាន់ UEFA Champions League ហើយរូបគេក៏មិន​ញញើតចំពោះក្រុមណានៅក្នុងពានរង្វាន់នេះដែរ។

ការប្រកួតក្នុងពាន UCL បានឈានដល់វគ្គ ៨ ក្រុមចុងក្រោយហើយ បន្ទាប់ពីឆ្លងកាត់ការប្រកួតវគ្គ ១៦ ក្រុមយ៉ាងស្វិតស្វាញ។ ក្នុងនោះ Barcelona នឹងត្រូវជួបគ្នាជាមួយ Borussia Dortmund, Aston Villa នឹងត្រូវជួប Paris Saint-Germain, Real Madrid នឹងត្រូវជួប Arsenal ចំណែក Inter Milan នឹងត្រូវជួប Bayern Munich។

ទាក់ទងនឹងការប្រកួតប្រជែងក្នុងពាន UCL នេះ ខ្សែប្រយុទ្ធសញ្ជាតិ អេស្ប៉ាញ វ័យ ១៧ ឆ្នាំបានលើកឡើងថា ៖«ឥឡូវនេះ ពួកយើងគឺជាក្រុម ដែលអាចឈ្នះពាន Champions League។ Liverpool បានធ្លាក់ចេញពីពាននេះហើយ ខណៈពួកគេគឺជាក្រុម ដែលមានលទ្ធភាពតាំងពីដំបូង… ឥឡូវនេះ ពួកយើងគឺមិនខ្លាចក្រុមណាមួយឡើយ។ ពួកយើងគឺជាគ្រួសារតែមួយ។ ប្រាកដណាស់ ពួកយើងអាចឈ្នះពាន UCL»។

សូមបញ្ជាក់ថា ការប្រកួតជើងទី ១ វគ្គ ៨ ក្រុមពាន UCL នឹងធ្វើឡើងនៅថ្ងៃទី ៩ និងទី ១០ ខែ មេសា។ ចំណែកការប្រកួតជើងទី ២ នឹងធ្វើឡើងនៅថ្ងៃទី ១៦ និងទី ១៧ ខែ មេសា៕

ប្រែសម្រួលអត្ថបទ៖ សេម កុសល
ប្រភព៖ Fabrizio Romano