កីឡា

គ្រូឆ្នើម ពេជ្រ សុផាន់ បើកភ្លើងខៀវឲ្យ ម៉ារីអូ សងសឹកបើប្រកួតនៅអេស្ប៉ាញកាន់តែល្អដូរដីម្ដងម្នាក់

បានផុស

១ year មុន

នៅ

ថ្ងៃសុក្រ ១៦ ឧសភា ២០២៥

ដោយ

គ្រូឆ្នើម ពេជ្រ សុផាន់ ថាបើកីឡាករ Mario Alvarez (ម៉ារីអូ) ចង់សងសឹក ពេជ្រ សម្បត្តិ គឺលោកស្វាគមន៍ជានិច្ច ខណៈប្រកួតនៅអេស្ប៉ាញវិញកាន់តែល្អបានដូរដីម្ដងម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ម៉ារីអូ

លោក ពេជ្រ សុផាន់ បានឲ្យដឹងក្រោយប្រកួតរបស់ សម្បត្តិ ថាប្រសិនកីឡាករ Mario Alvarez (ម៉ារីអូ) មានបំណងចង់ប្រកួតម្ដងទៀតដើម្បីសងសឹកលោកស្វាគមន៍ជានិច្ច។ ជំនួបសងសឹកនោះប្រសិនបើធ្វើឡើងនៅឯប្រទេសអេស្ប៉ាញទៀតកាន់តែល្អ ព្រោះបានដូរទឹកដីម្ដងម្នាក់ដើម្បីឲ្យលទ្ធផលបានកាន់តែដាច់ស្រេចផងដែរ។

រហស្សនាមគ្រូឆ្នើមរូបនេះបន្ថែមទៀតថា Mario Alvarez (ម៉ារីអូ) គឺសមត្ថភាពល្អ ប៉ុន្តែល្អភាគច្រើននៅទឹកដីប៉ែកខាងប្រទេសរបស់គេ។ ការប្រកួតនៅកម្ពុជានេះយ៉ាងណាក៏មិនដូច ១០០% ឯប្រទេសខ្លួននោះដែរ បីដូច សម្បត្តិ ចេញទៅប្រកួតក្រៅស្រុកក៏ដូចគ្នា។

កីឡាករ ម៉ារីអូ

មួយវិញទៀត Mario Alvarez (ម៉ារីអូ) អាចថាមិនដែលបានជួបភាពឈឺខ្លាំង ឬចូលក្បាច់ធ្ងន់ៗបែបនេះកន្លងទៅ។ ព្រោះវាយបែបហ្គង់តូចនេះចូលគឺធ្ងន់ជាងហ្គង់ធំឆ្ងាយទើបធ្វើឲ្យអ្នកប្រដាល់អេស្ប៉ាញរូបនេះមិនអាចទប់ទល់ជាមួយ សម្បត្តិ បាន។

កីឡាករ ម៉ារីអូ

បញ្ជាក់ដែរថា ជំនួបដណ្ដើមខ្សែក្រវាត់របស់កីឡាករ ពេជ្រ សម្បត្តិ និង Mario Alvarez (ម៉ារីអូ) បានធ្វើឲ្យមហាជនពិសេសអ្នកគាំទ្រគុនខ្មែរផ្អើល និងតាមដានជំនួបនេះជាខ្លាំង។ ជាលទ្ធផលអ្នកលេងគុនខ្មែរ ពេជ្រ សម្បត្តិ ផ្ដួលជើងខ្លាំងមកពីអេស្ប៉ាញ Mario Alvarez (ម៉ារីអូ) ឲ្យបោះបង់ការប្រកួតនៅទឹកទី២ កាលពីយប់ថ្ងៃទី១៤ ខែឧសភា ឆ្នាំ២០២៥ លើសង្វៀនបាយ័ន ដែលធ្វើឡើងនៅក្រុងកោះពេជ្រ៕

អត្ថបទដោយ៖ នួន ស៊ីណា