កូវីដ នៅប្រេស៊ីល ២៤ ម៉ោងចុងក្រោយ ឆ្លងថ្មីជាង ៤ ម៉ឺនករណី ស្លាប់ ១,៦៥៧ នាក់

ក្រសួងសុខាភិបាលរបស់ប្រេស៊ីលបានរាយការណ៍ថា ចំនួនអ្នកស្លាប់ដោយសារជំងឺកូវីដ ១៩ នៅប្រទេសប្រេស៊ីល កាលពីថ្ងៃអាទិត្យបានកើនឡើងដល់ ៣៧៣,៣៣៥ នាក់ បន្ទាប់ពីបានកត់ត្រាអ្នកស្លាប់ថ្មីចំនួន ១,៦៥៧ នាក់ ។

យោងតាមក្រសួងបានឲ្យដឹងថា ចំណែករណីឆ្លងថ្មីមានចំនួន ៤២,៩៨០ ករណីត្រូវបានកត់ត្រាក្នុងរយៈពេល ២៤ ម៉ោងចុងក្រោយ ដែលធ្វើឲ្យចំនួនករណីឆ្លងសរុបនៅក្នុងប្រទេសអាមេរិកឡាទីនមួយនេះកើនឡើងដល់ ១៣,៩៤៣,០៧១ ករណី ។

ចាប់តាំងពីដើមឆ្នាំនេះមក ប្រទេសនេះបានប្រឈមមុខនឹងរលកឆ្លងទីពីរនៃជំងឺកូវីដ ១៩ ដែលបណ្តាលឲ្យមានការផុយស្រួយនៃផ្នែកសុខាភិបាលមួយផ្នែកធំ ។

ទន្ទឹមនោះរដ្ឋ Sao Paulo ដែលមានប្រជាជនច្រើនជាងគេនៅក្នុងប្រទេស បានរងផលប៉ះពាល់ខ្លាំងបំផុតដោយមានអ្នកឆ្លងចំនួន ២,៧៤៦,២១៧ ករណី និងមានអ្នកស្លាប់ចំនួន ៨៨,៣៥០ នាក់ បន្ទាប់មកគឺទីក្រុង Rio de Janeiro មានករណីឆ្លងចំនួន ៧០៣,៣៤៩ ករណី និងមានមនុស្សស្លាប់ចំនួន ៤១,៣១០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ មិនទាន់ស្បើយ កូវីដ ដើមផង ពេលនេះ ប្រេស៊ីល រកឃើញករណីឆ្លងវ៉ារ្យង់អាហ្រ្វិកខាងត្បូង មួយទៀត

ចុចអាន ៖ ប្រេស៊ីលស្នើឲ្យស្ត្រីពន្យារពេលមានផ្ទៃពោះបារម្ភវីរុសបំប្លែងថ្មីវាយលុកខ្លាំង