កីឡា

ក្លិបអាយ.អេស.អាយ ដង្កោសែនជ័យ ប្រកាសចុះកិច្ចសន្យាជាមួយខ្សែបម្រើកណ្ដាល ស៊ាន ភីសា

បានផុស

៥ years មុន

នៅ

ថ្ងៃចន្ទ ១៩ មេសា ២០២១

ដោយ

ក្រោយអវត្តមានក្នុងពានរង្វាន់លីគកំពូលកម្ពុជា Metfone Cambodian League 2021 សម្រាប់តែក្លិបបាល់ទាត់អាយ.អេស.អាយ ដង្កោសែនជ័យ (ISI Dangkor Senchey FC) ដែលជាសមាជិកនៅលីគទី២កម្ពុជា Cambodian League 2 បានប្រកាសចុះកិច្ចសន្យាយកកីឡាករ ស៊ាន ភីសា ដែលធ្លាប់ប្រកបអាជីពក្នុងក្លិបបាល់ទាត់ល្បីៗមួយចំនួននាពេលកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបបាល់ទាត់ដែលប្រើប្រាស់កីឡដ្ឋាន KHM ក្នុងខ័ណ្ឌដង្កោ បានប្រកាសប្រាប់អ្នកគាំទ្រនៅថ្ងៃអាទិត្យ ទី១៨ ខែមេសា ឆ្នាំ២០២១ ថ្មីៗនេះ ពីការបន្ថែមសមាជិកថ្មី ស្របពេលដែលក្លិបធ្លាប់បានចុះកិច្ចសន្យាយកកីឡាករជើងចាស់ជាច្រើនដូចជា កីឡាករ ស៊ុន សុវណ្ណរិទ្ធី, កូរណៃ អាន់សារី, អ៊ុំ គុម្ភៈ, ឆេង ចាន់ថា,រដ្ឋ វីរៈ, យ៉ា ម៉ាត់, អៀង ទីន, ចាន់ ភារម្យ ជាដើម។ មិនតែប៉ុណ្ណោះក្លិបបានចុះកិច្ចសន្យាយកលោក សាប៊ូន វិនតា ជានាយកប្រតិបត្តិក្លិបផងដែរ។

ចំណែក កីឡាករ ស៊ាន ភីសា វិញ បានចាប់អាជីពនៅបៀលប្រាយយូណាយធីត កាលឆ្នាំ២០១៤ និង រួមចូលរួមរស់ជាមួយភ្នំពេញក្រោន និងរួមចំណែកឈ្នះជើងឯកលីគកំពូលរដូវកាល ២០១៥ និងមុនផ្លាស់ទៅក្រសួងការពារជាតិដើមរដូវកាល២០១៧ ក្នុងលក្ខខណ្ឌខ្ចី ជួយឲ្យក្លិបឈ្នះពានរង្វាន់សម្តេចតេជោ ហ៊ុន សែន ហើយក្រោយមកក៏ផ្លាស់មកចូលរួមជាមួយវិសាខា ប៉ុន្តែពុំសូវមានឱកាសបង្ហាញខ្លួនដោយសារជួបនូវបញ្ហរបួសបន្ទាប់មកក៏បានផ្លាស់មកចូលរួមជាមួយ ភ្នំពេញក្រោន សារជាថ្មីប៉ុន្តែក៏ពុំបានបង្ហាញខ្លួនដូចគ្នា ដោយសារមានបញ្ហារបួសជាថ្មី។

ក្រោយមកនៅពាក់កណ្ដាលរដូវកាល២០១៩ កីឡាកររូបនេះបានសម្រេចចិត្តផ្លាស់ទៅចូលរួមជាមួយក្រុមអគ្គិសនីកម្ពុជា ហើយនៅចុងឆ្នាំ២០១៩ រូបគេបានសម្រេចបន្តទៅចូលរួមជាមួយ ព្រះខ័នរាជស្វាយរៀង ក្នុងគោលដៅប្រកួតក្នុងរដូវកាលឆ្នាំ២០២០។ នៅឆ្នាំ២០២១ នេះរូបគេមិនមានក្លិបលេងនោះទេ ក្នុងលីគកំពូលកម្ពុជា ហើយក៏សម្រេចចូលរួមជាមួយក្រុម ISI Dangkor Senchey FC តែម្តង៕

Related Topics:កីឡាបាល់ទាត់