កីឡា

ក្រុមកីឡាតេក្វាន់ដូ ITF កម្ពុជា តែងតែជាឧបសគ្គដល់ប្រទេសដែលចូលរួមប្រកួតលើឆាកអន្តរជាតិ

បានផុស

២០ នាទី មុន

នៅ

ថ្ងៃពុធ ២២ កក្កដា ២០២៦

ដោយ

ប្រធានសហព័ន្ធកីឡាតេក្វាន់ដូ ITF កម្ពុជា ថាក្រុមជម្រើសជាតិកម្ពុជាគឺតែងតែជាឧបសគ្គដល់បណ្ដាប្រទេសចូលរួមប្រកួតប្រជែងលើឆាកអន្តរជាតិ និងមានការតាមដានជានិច្ចរាល់ការចាញ់ឈ្នះពីមួយវគ្គទៅមួយវគ្គនាពេលកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ រ៉េមី និងសិស្សគុន

លោក កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា បានលើកឡើងថា ក្រុមចម្រើសជាតិកម្ពុជាបានធ្លាប់យកមេដាយបានគ្រប់កម្រិតទាំងអស់នៅក្នុងការប្រកួតអន្តរជាតិកន្លងមក។ បណ្ដាប្រទេសផ្សេងៗតែងតែតាមដានចំពោះក្រុមកីឡាករ កីឡាការិនីកម្ពុជា។

រូបភាព Olympic Cambodia

បទពិសោធប្រកួតជាច្រើនឆ្នាំកន្លងមកប្រទេសជួបជាមួយកម្ពុជានៅវគ្គសំខាន់ៗដូចជាមេដាយមាស មេដាយប្រាក់ សំរឹទ្ធ គឺភាគច្រើនជាមួយម្ចាស់ក្បាច់គុនកូរ៉េខាងជើង និងប្រទេសក្បែរៗអ៊ឺរ៉ុប។ បណ្ដាប្រទេសទាំងនោះគឺតែងតែបារម្ភ និងតាមដានជាប់ពីលទ្ធផលប្រកួតរបស់កម្ពុជា ព្រោះជាឧបសគ្គមួយសម្រាប់ប្រទេសគេក្នុងការប្រកួតប្រជែងមេដាយ។

យ៉ាងណាការចេញទៅប្រកួតលើកនេះកម្ពុជាក៏ត្រៀមខ្លួនបានល្អផងដែរ និងបានប្ដេជ្ញាចិត្តបន្តខំប្រឹងប្រែងធ្វើយ៉ាងណាលើកទង់ជាតិខ្មែរលើកឆាកអន្តរជាតិជាថ្មីជូនជាតិមាតុភូមិ។

ក្រុមតេក្វាន់ដូ ITF

បញ្ជាក់ដែរថា ក្រុមជម្រើសជាតិតេក្វាន់ដូ ITF កម្ពុជា នឹងទៅចូលរួមការប្រកួតជ្រើសរើសជើងឯកអាស៊ី លើកទី១១ នៅឯប្រទេសម៉ុងហ្គោលី ចាប់ពីថ្ងៃទី៣ ដល់ ៩ ខែកក្កដា ឆ្នាំ២០២៦។ សហព័ន្ធគ្រោងនឹងបញ្ជូនកីឡាករ កីឡាការិនីសរុប ៣១ រូបរួមទាំងឈុតថ្នាលផងដែរ។ អំឡុងការប្រកួតលើកទី១០ នៅឯប្រទេសឥណ្ឌាកម្ពុជាឈ្នះមេដាយមាស ៣ ប្រាក់១០ សំរឹទ្ធ ១១៕

អត្ថបទដោយ៖ នួន ស៊ីណា

Related Topics:កីឡាតេក្វាន់ដូ ITF