KPT+

វិធីដោះស្រាយដោយសន្តិ នៅពេលមានមនុស្សប៉ងចង់ធ្វើបាបយើងដោយចេតនា (Bullying)

បានផុស

៥ years មុន

នៅ

ថ្ងៃពុធ ២៨ កក្កដា ២០២១

ដោយ

ការសម្លុតធ្វើបាបឬ Bullying គឺជាការប្រកាន់ពូជសាសន៍ មើលងាយពីនរណាម្នាក់ អាចធ្វើឲ្យប៉ះពាល់ផ្លូវចិត្តឬរាងកាយ។ ជាពិសេសរឿងនេះ តែងកើតមានលើសិស្សតាមសាលានីមួយៗ ហើយការសម្លុតធ្វើបាបខ្លាំងពេក ក៏អាចបណ្ដាលឲ្យមនុស្សស្លាប់ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នោះគឺមានន័យថាអ្នកដែលត្រូវបានគេរំលោភបំពាន នឹងប៉ះពាល់ដោយអារម្មណ៍នៃការបាត់បង់តម្លៃខ្លួនឯង កង្វះទំនុកចិត្តលើខ្លួនឯង និងមានអារម្មណ៍អវិជ្ជមាន ដូចជា ខ្មាស់អៀន ដោយមិនរាប់បញ្ចូលគ្មានភាពក្លាហានអាចប្រយុទ្ធនៅចំពោះមុខអ្នកដទៃ។ ល។ បញ្ហាទាំងនេះកំពុងក្លាយជាបញ្ហាធំ ហើយកាន់តែមានអំពើហិង្សាលើគ្នាខ្លាំងឡើង ៗ ។

ខាងក្រោមនេះដំបូន្មានដោះស្រាយ នៅពេលមានមនុស្សចង់សម្លុតធ្វើបាប Bullying ដោយប្រការណាមួយ៖

១ ទុកចោលកុំខ្វល់ខ្វាយជាមួយរឿងគ្មានបានការ

រឿងដំបូងដែលត្រូវធ្វើគឺត្រូវផ្តោតអារម្មណ៍លើខ្លួនឯង ហើយមិនត្រូវផ្តោតលើពាក្យរបស់អ្នកដែលមានចិត្តចង់ធ្វើបាបយើងទេ។ ការចំអកមើលងាយ អ្នកណាក៏ជួប ហើយបើយើងយកចិត្តទុកដាក់ខ្លាំងពេក ចំពោះពាក្យនោះ យើងនឹងត្រូវឈឺចាប់ខូចចិត្តឥតអំពើរ។ ពាក្យទាំងនោះក៏នឹងមានឥទ្ធិពលលើយើងដែរ។ សំខាន់បំផុតយើងត្រូវដឹងពីរបៀបគោរពខ្លួនឯង និងឲ្យតម្លៃលើខ្លួនឯងជាមុនសិន។

២ កែលំអខ្លួនឯង

បន្ទាប់ពីយើងមើលឃើញពីតម្លៃនៅក្នុងខ្លួនយើងហើយ បន្ទាប់មកទៀតគឺថាយើងត្រូវព្យាយាមបណ្តោយវា ហើយលើកគំនិតរបស់យើងហួសពីវា និងធ្វើឲ្យខ្លួនយើងប្រសើរឡើងបន្តិចម្តងៗ។ មិនថាវាជាការផ្លាស់ប្តូររឿងអ្វីឡើយ ចូរកែលំអខ្លួនឯង ធ្វើឲ្យខ្លួនយើងកាន់តែប្រសើរឡើងជាងមុន។

៣ ពិគ្រោះជាមួយមិត្តភ័ក្ដិឬសមាជិកគ្រួសារដើម្បីរកដំណោះស្រាយ

ប្រសិនបើអ្នកនៅតែមានការព្រួយបារម្ភ ហើយមិនដឹងថាត្រូវធ្វើអ្វី សូមពិគ្រោះជាមួយមិត្តភក្តិឬសមាជិកគ្រួសារដែលគួរឲ្យទុកចិត្ត។ ពួកគេអាចផ្ដល់ឲ្យអ្នកនូវដំណោះស្រាយ។ ចំពោះគ្រួសារ គឺច្បាស់ណាស់ថា ពួកគាត់ត្រៀមខ្លួនស្ដាប់បញ្ហាទាំងអស់ ហើយត្រៀមខ្លួនជានិច្ចដើម្បីជួយ។ ដូច្នេះសូមមានអារម្មណ៍រីករាយ ក្នុងការស្នើសុំជំនួយ ហើយកុំទុកភាពឆ្គាំឆ្គងនេះតែម្នាក់ឯង។

៤ សូមប្រតិកម្ម

នេះជាវិធីចុងក្រោយ ដើម្បីដោះស្រាយវា។ តែយើងមិនលើកទឹកចិត្តឲ្យអ្នកធ្វើសកម្មភាពប៉ះទង្គិចគ្នាទេព្រោះវាអាចធ្វើឲ្យមានការសម្លុតគំរាម ពីអំពើអាក្រក់កាន់តែធ្ងន់ធ្ងរ។ នោះគឺយើងអាចធ្វើទៅបាន ដោយការនិយាយទល់មុខ ទៅអ្នកដែលនិយាយអាក្រក់មកយើង ឲ្យដឹងសខ្មៅតែម្ដង។ ប្រាប់ពួកគេឲ្យបញ្ឈប់សកម្មភាពប្រកាន់ពូជសាសន៍ ឬរឿងអាក្រក់ៗសម្រាប់យើង ព្រោះវាមិនមែនជារឿងគួរឲ្យអស់សំណើច ឬយើងជាសម្លត្រាវសម្រាប់ចម្អែតក្រពះពួកគេទេ៕

ប្រែសម្រួល៖ សាង ស្រីល័ក្ខ

ចុចអាន៖គន្លឹះ ជួយជំរុញថាមពលខួរក្បាលឲ្យគាប់ប្រសើរ លែងស្ពឹកស្រពន់ពេលធ្វើការ

ចុចអាន៖ឧស្សាហ៍ខូចចិត្ត ប្រយ័ត្នប្រឈមនឹងជំងឺនេះដោយមិនដឹងខ្លួន