អតីតទីប្រឹក្សា៖ ប្រធានាធិបតីអាហ្វហ្គានីស្ថាន ធ្វើរឿងដ៏អាម៉ាស់ រត់ចេញពីប្រទេស​ ទុកប្រជាជនចោល

លោក Shafiq Hamdam ដែលជាអតីតទីប្រឹក្សារបស់ប្រធានាធិបតីអាហ្វហ្គានីស្ថានលោក Ashraf Ghani បានរិះគន់ការសម្រេចចិត្តរបស់លោក Ghani ក្នុងការរត់គេចពីប្រទេសអាហ្វហ្គានីស្ថានកាលពីថ្ងៃអាទិត្យ ចំពេលដែលក្រុមតាលីបង់ ចូលដល់ទីក្រុងកាប៊ុលយ៉ាងឆាប់រហ័ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Hamdam បានប្រាប់ Al Jazeera ពីទីក្រុង វ៉ាស៊ីនតោន ឌីស៊ី ថា “វាគួរឲ្យខ្មាស់អៀនណាស់។ វាគួរឲ្យអាម៉ាស់ ប្រជាជនមានអារម្មណ៍ថា ពួកគេត្រូវបានបោះបង់ចោល ប្រជាជនមានអារម្មណ៍ថា ពួកគេត្រូវក្បត់”។

បន្ទាប់ពីការខិតខំអស់រយៈពេលជាច្រើនឆ្នាំ និងការវិនិយោគជាច្រើនឆ្នាំមកនេះ គាត់បានដាក់សញ្ញាដ៏ខ្មៅងងឹតនៅក្នុងប្រវត្តិសាស្ត្រប្រជាធិបតេយ្យរបស់ អាហ្វហ្គានីស្ថាន។ ខ្លួនគាត់បានរត់គេចខ្លួនជាមួយក្រុមរបស់ខ្លួន ហើយគាត់មិនបានគិតដល់មនុស្សរាប់លាននាក់ដែលរស់នៅក្នុងភាពវេទនា រស់នៅក្នុងភាពមិនច្បាស់លាស់ ហើយឥឡូវនេះត្រូវបានទុកចោលដោយរស់នៅក្រោមរបបតាលីបង់នោះទេ”។

ស្របពេលជាមួយគ្នានោះដែរ លោក Hamdam និយាយថា ក្រុមតាលីបង់ ត្រូវតែបញ្ជាក់ថា ពួកគេនឹងការពារស្ត្រី។

ចាប់ពីថ្ងៃស្អែកទៅ យើងត្រូវតែមើលឃើញស្ត្រីទៅសាលារៀន យើងត្រូវមើលឃើញស្ត្រីធ្វើការជាមន្ត្រីរដ្ឋការនិងគ្រូបង្រៀន ដូចជាម្តាយខ្ញុំទៅសាលារៀននិងបង្រៀន។ នោះគឺជាអ្វីដែលខ្ញុំចង់បាន ហើយនោះគឺជាអ្វីដែលពិភពលោកចង់បាន។ ហើយនោះគឺជាការសាកល្បងសម្រាប់ក្រុមតាលីបង់ ដើម្បីបញ្ជាក់ថាតើពួកគេបានផ្លាស់ប្តូរឬក៏អត់”៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ចលាចលពេញព្រលានយន្តហោះអាហ្វហ្គានីស្ថាន ពេលប្រជាជនរាប់ពាន់នាក់ សម្រុកចាកចេញ ខ្លះរត់ជាន់គ្នា